97
God El Leum Fulatlana
1 LEUM GOD El tokosra! Lela faclu in engan!
Lela tuka in meoa uh in arulana insewowo!
2 Pukunyeng ac lohsr apnulla;
El nununku ke suwoswos ac pwaye.
3 E uh fahsr meet lukel
Ac esukak mwet lokoalok lal su apnulla.
4 Sarom lal kalmeak faclu,
Ac faclu liye ac rarrar.
5 Eol uh kofelik oana kiris ye mutun LEUM GOD,
Ye mutun LEUM GOD lun faclu nufon.
6 Kusrao fahkak suwoswos lal,
Ac mutunfacl nukewa liye wolana lal.
7 Elos nukewa su alu nu ke ma sruloala, elos akmwekinyeyuk,
Ac god nukewa lun faclu epasr nu sin LEUM GOD.
8 Mwet in Zion elos insewowo,
Ac siti nukewa in acn Judah elos engan
Ke sripen nununku suwoswos lom, O LEUM GOD.
9 LEUM GOD Kulana, kom leum fin faclu nufon,
Kom arulana fulat liki god nukewa.
10 LEUM GOD El lungse elos su kwase ma koluk.
El karingin moul lun mwet lal.
El molelosla liki ku lun mwet koluk.
11 Kalem uh sreya mwet suwoswos,
Ac insewowo tuku nu sin mwet wo.
12 Kowos nukewa su suwohs in enganak
Ke sripen ma LEUM GOD El oru!
Esam ma God mutal El oru,
Ac sang kulo nu sel.