6
God El Pangnol Isaiah Elan Sie Mwet Palu
1 Ke yac se Tokosra Uzziah el misa, nga liye LEUM GOD. El muta fin tron lal, loangyak ac akfulatyeyuk, ac nuknuk loeloes lal nwakla in Tempul uh nufon. 2 Tok 15:7; 2 Chr 26:23 2 Oasr seraph* seraph: ma su mutal, oana lipufan, su firir oana e, mwe akul nu ke wolana lun God. apnulla, ac kais sie selos oasr posohksok onkosr kac. Kais sie seraph afinya mutal ke luo pao ah, ac afinya manol ke luo, ac el sohksok ke ma luo lula. 3 Elos apangoni sie nu sin sie, ac fahk:
“Mutal, mutal, mutal!
LEUM GOD Kulana El mutal!
Wolana lal nwakla faclu.” Fwack 4:8
4 Pusraclos mokleak pwelung ke sru in mutunoa ke Tempul uh, ac in Tempul uh sessesla ke kulasr. Fwack 15:8
5 Na nga fahk, “Wanginla finsrak luk! Nga ac sun ongoiya lulap, mweyen kas nukewa ma fahla liki ngoasrok uh fohkfok, ac nga muta inmasrlon mwet ma kas nukewa la uh fohkfok. Ne ouinge, a nga liye Tokosra, LEUM GOD Kulana, ke mutuk sifacna.”
6 Na sie sin seraph inge sohkma nu yuruk. El us ipin mulut firir se ma el tuh sang sruhf se srukak liki loang uh. 7 El sang mulut firir sac pusralla ngoasrok ac fahk, “Ma se inge pusralla ngoasrom, ac inge ma sufal lom wanginla, ac ma koluk lom nunak munas nu sum.”
8 Na nga lohng Leum El fahk, “Su nga ac supwala uh? Su ac som kacsr uh?”
Na nga topuk, “Nga inge! Supweyula!”
9 Ouinge El fahk nu sik, “Som ac tafweang kas inge nu sin mwet uh: Kowos finne sikalani in lohng, kowos ac tia kalem. Kowos finne suiya na, kowos ac tia etu kalmac.” 6:9–10; Mt 13:14–15; Mk 4:12; Lk 8:10; Jn 12:40; Orek 28:26–27 10 Na El fahk nu sik, “Orala nunak lun mwet inge in afon, insraclos in sulohngkas, ac mutalos in kun, tuh elos fah tia ku in liye ku lohng ku kalem. Mweyen elos funu ku, elos lukun forma nu sik ac akkeyeyukla.”
11 Ac nga siyuk, “Leum, ac ouingan putaka?”
Ac El topuk, “Nwe ke na siti nukewa musalla, ac wanginla ma we — nwe ke wanginna mwet muta in lohm inge — nwe ke facl sac oan mwesisla. 12 Nga fah supwala mwet uh nu yen loessula, ac oru facl sac nufon in pisala. 13 Finne mwet se inmasrlon mwet singoul pa lula muta in facl se inge, el ac fah kunausyukla pac. El ac fah oana sie sruen sak oak ma pakpuki.”
(Kalmen sruen sak sac pa sie mutawauk sasu nu sin mwet lun God.)
*6:2 seraph: ma su mutal, oana lipufan, su firir oana e, mwe akul nu ke wolana lun God.
6:9 6:9–10; Mt 13:14–15; Mk 4:12; Lk 8:10; Jn 12:40; Orek 28:26–27