1 Isaga igini maria henego mini Tola Pua Yasubu Simirono laga biyaru hene. 2 Tola igini waragaria henego mini Usi Lebaia Yariele Yamai Ibisama Semuele imaru hene. Agali uruni ti ami agali hongoheore howa ti Tola aria hearunaga agali haguane hene. Debidi ibu kini heangi Tola hameigini aguaneneru ti ami agali habehe dege daosini pira kirani kira handari waragaria (22,600) hene.

3 Usi ibu igini mbiraore dege henego mini Isirahaia hene. Ani howa Isirahaia ibu igini maria henego mini Maigele Obadaia Yoele Isaia laga biyaru hene. Agali uruni ti nde tini hameigininaga agali haguane hene. 4 Agali uruni ti wali dewa dabu bialu tinaga waneiginibi dewaore henego ti ami agali habeheru dege daosini pira tebirani waragaria (36,000) hene.

5 Isaga hameigini bibahende daga lamaga halu gilibu wiaru handalu hearia agali ami habeheru dege daosini pira halirani karia (87,000) gilibu wini.

6 Beniyamini ibu igini tebira henego mini Bela Bege Yadiaele layaru hene.

7 Bela ibu igini duria henego mini Esebono Usi Usiele Yarimodo Iri imaru hene. Agali uruni ti hameigini hearunaga haguane dege howa ami agali hongohe mini lene hene. Hameigini uruni tinaga aguanene bibahende daga lamaga howa agali hongohe ami habeheru dege daosini pira kirani kira halu huniane pira tebirani maria (22,034) hene.

8 Bege ibu igini dira henego mini Semira Yoasa Eliese Eleonai Omori Yaremodo Abiya Anadodo Alemede imaru hene. 9 Agali uruni ti aguanene heneru daga lamaga howa ami agali habeheru dege daosini pira kirani handari kira (20,200) hene.

10 Yadiaele ibu igini mbiraore Bilihana hangu hene. Bilihana ibu igini karia henego mini Yausu Beniyamini Ehudu Kenana Sedana Tasisi Ahisaha imaru hene. 11 Agali uruni ti Yadiaele hameigininaga agali haguane howa ti ami agali hongohe mini leneru hene. Ai ti damene bibahende daga lamaga howa handalu hearia agali hongohe ami habeheru dege daosini pira mbirani kariani handari kira (17,200) hene. 12 Iri aguanene Subimi hameiginibi Hubimi hameiginibi hene. Ani bialu Ahe aguanene ti Husimi hameigini hene.* Agali mini Ahe lenego ogoni agali Dana manda bialu leda bada laya.

13 Nabadali igini maria henego mini Yasiele Guni Yase Salumu layaru hene. Ti wali mini Biliha berenego aguanene hene.† Biliha ibu Yagaba one halu mende bereneru aria mbira biruwa ibu Dana Nabadalila ai̱ya berene.

14 Manase igini kira Asariele Magiala hene. Libu ai̱ya Manase one halu mende bereneru aria mbira Aramea wali berene. Magia ibu igini Gileada hene. 15 Magia ibugua wali mbira Hubimi wali mende Subimi wali dabu bia hene. Magia mbalini mini Maga berene. Magia igini mende mini Selobehada henego ibu igini nahe wandari hangu aba hene.

16 Ani bialu Magia one mini Maga dege berenego ogoni ibugua igiri kira taba henene. Ibu igini kira Perese Seresela hene. Serese igini kira Ulama Lagemela hene. 17 Ulama ibu igini mbiraore Bedana hangu hene. Wali agali uruni ti Gileada aguanene dege hene. Gileada ibu Magia igini halu Magia ibu Manase igini hene.

18 Gileada mbalini Hamolegede berenego ibugua igiri tebira taba henenego mini Isihodo Abiese Mala laga biyaru hene. 19 Semida igini heneru mini Ahiana Segeme Ligi Aniama imaru hene.

20-21 Eberaimi aguanene heneru mini uru. Eberaimi igini Sudela Sudela igini Berede Berede igini Tahada Tahada igini Eleada Eleada ogoni igini Tahada dege mende Tahada ogoni igini Sabada Sabada igini Sudela dege mende hene. Eberaimi igini kira mani henego mini Ese Eleadala hene. Ani henego ai horo mbiru libugua hameigini tara Gede hearunaga nogo sibi bo page bule Gede dalu wiagohayagi daliape halu pu hearia Gedeali hearume libu homelo bo wahene. 22 Ani homayagola libu aba Eberaimihanda dara timbuni howa dugu bialu biraabo heagola ibu damene maru hearu ibalu ibunaga bu miniha mo palia haga bialu hene. 23 Mani howa Eberaimi one ibu yamu ko biruwa ibugua igiri mbira taba henene. Ani taba hanayagola Eberaimihanda igiri ogoni mini Beraia wini.‡ Mini Beraia ogoni Hiburu bi lalu Horo Ko lale howa dege laga. Irane mo ko holene ibu dameneha anda ibiyagonaga mini ogoni wini.

24 Eberaimi wane mbira mini Seraha berene. Ibuni heba ibu damenerume tano Bedehorono Daliga lagago pigane mo wialu tano mende Bedehorono Dindiha lagago mo wialu Useneseraha tanobi pigane mo wia dege bini.

25-27 Eberaimi igini mbira mini Leba hene. Leba igini Lesebe Lesebe igini Tela Tela igini Tahana Tahana igini Ladana Ladana igini Amihudu Amihudu igini Elisama Elisama igini Nunu Nunu igini Yosua hene.

28 Eberaimi tinaga dindiha Bedele tanobi dindi maru wiapara para bini wiarubi dindi bibahende Narana tano ni tagira ibiragohayagi howa wima pialu ni paliragohayagi Gese tano wiagoria wima tagira pialu dindi maru Gese kaware wiapara para bini wiaru bibahende tinaga dege wia. Ani bialu Segeme tano heba dindi maru wiapara para bini wiarubi Aya tano heba dindi emene wiapara para bini wiarubi tinaga dege wia. Ani bialu Aya tano heba dindi wiapara hene wiarubi tinaga dege wini.

29 Manase aguaneneru tigua Bedesana tanobi Tanaga tanobi Megido tanobi Doro tanobi tano maru dindi emene wiapara hene wiarubi tinaga wini. Ani winigo Yagaba igini Yosebe aguaneneru ti nde dindi uruniha hai haga hene.

30 Ase igini maria henego mini uru. Imina Isiba Isibi Beraia layaru hene. Ani bialu Ase wane mbira Sera berene. 31 Beraia igini kira Hebe Malagielela hene. Malagiele igini Bisaidi hene.

32 Hebe igini Yabalede Some Hodama imaru halu ibu wane mbira Sua berene.

33 Yabalede ibu igini tebira henego mini uru Pasaga Bimihala Asabada imaru hene.

34 Yabalede hamene Some ibu igini tebira dege henego uru Loga Yahuba Arama layaru hene.

35 Ibu hamene Hodama igini maria henego mini Soba Imina Selese Amala imaru hene.

36-37 Soba igini uru hene. Sua Hanebe Suala Beri Imira Bese Hodo Sama Silisa Idirana Bera layaru hene.

38 Yade igini uru hene. Yabune Pisiba Ara layaru hene. 39 Ula igini uru hene. Ara Haniele Lisia layaru hene.

40 Agali uruni ti Ase aguaneneru howa tinaga hameigini mbira mbiranaga agali haguane howa ti ami agali hongohe bayaleore mini leneru hene. Ase hameigini bibahende daga lo winigo ami agali hongoheru dege daga lowa ti daosini pira kirani waragaria (26,000) hene.