6
God Make Isaiah Come Clean Inside
An Call Isaiah Fo Work Fo Him
An Call Isaiah Fo Work Fo Him
(Matthew 13:14-15; Mark 4:12; Luke 8:10; John 12:40; Jesus Guys 28:26-27; Jesus Show 4:8)
1 ✡ 6:1: 2Kings 15:7; 2Rec 26:23Da same year King Uzziah wen mahke, I wen see Da One In Charge a me stay sitting on top one throne, way up dea inside da sky, an looking real importan. An da bottom a his robe fill up da Temple. 2 Angel guys dat look jalike fire fly up all aroun him. All dem get six wings. Dey cova dea face wit two a dea wings, dea feets wit two odda wings, an dey fly wit dea odda two wings. 3 ✡ 6:3: JShow 4:8All da angel guys call out to da oddas,
“Good an Spesho! Spesho! Spesho!
Dass Da One In Charge,
Da God Ova All Da Armies,
How good an spesho he stay!
Eryting inside da whole world,
Show how awesome he stay!”
4 ✡ 6:4: JShow 15:8Wen dey yell strong lidat, even da foundation unda da Temple door stay shake an da Temple fill wit smoke.
5 Den I wen yell,
“Bummahs!
I stay wipe out awready!
Da way I stay talk,
An da way da peopo I stay wit stay talk,
No way us can come in front God!
But still yet, I wen see
Da One In Charge, da King,
Da God Ova All Da Armies.”
6 Den one a da angel guys dat look jalike fire fly ova by me wit one red hot charcoal. He take um from da altar wit tongs. 7 He touch da hot charcoal on top my mout an tell,
“Now dis charcoal touch yoa mout,
All da bad tings you wen do stay gone awready.
God wen pay da price
Fo hemo from you all dat bad kine stuff.”
8 Den I hear my Boss tell,
“Who I can sen?
Who goin go fo us?”
An I tell,
“Me, I can go,
Sen me.”
“Go den. Tell da peopo dis:
‘Lissen plenny, but you no goin undastan notting!
Look plenny, but you no goin learn notting!’
10 Make dem so dey no can tink good,
Make dem so dey no can hear good,
An shut dea eyes so no can see good.
I no like fo dem see wass happening,
I no like fo dem start fo lissen,
An fo tink good.
Cuz if dey wen change,
Den dey goin come good.
But dey no goin change.”
11 Den I aks him, “Boss, how long I gotta do dat?”
An he tell,
“Till all da towns stay all bus up
An no mo peopo live dea,
An all da house no mo peopo inside,
An all da land stay dry an all wipe out.
12 No stop talk till me, Da One In Charge,
Sen all da peopo one far away place,
An get plenny place all ova da land
Wea da peopo leave eryting an go way.
13 But even if still yet get ten percent a da peopo dat stay on top da land,
Da army guys goin come back one mo time
An burn eryting.
But, jalike da terebint tree an da oak tree still ony get stump
Wen somebody cut um down,
Da peopo dat still stay dea,
Goin come jalike one spesho seed fo God,
Jalike da stump dat goin grow one mo time.”
✡6:1 6:1: 2Kings 15:7; 2Rec 26:23
✡6:4 6:4: JShow 15:8
✡6:9 6:9: Matt 13:14-15; Mark 4:12; Luke 8:10; John 12:40; JGuys 28:26-27