1 Yo, bitjanna liŋgu walala ŋuli ŋaḻapaḻmirri ŋurru'‐ŋurruŋunydja nhinanha dhurrwaraŋura wäŋaŋura galki yana, ḻakaranhaminya bala‐lili'yunminya dhä‐wirrka'yunminya ŋuli rombuy malaŋuwuy ŋurikiy wäŋawuy. Bala ŋayi * BoazBawatj marrtjinana ŋunhimalayi ŋurikalayi ŋaḻapaḻmirriwalanydja yolŋu'‐yulŋuwala, dhuṯ‐gay nhinanana. Yaka weyin, bala ŋayi ŋunhi wiripuna ḏarramu bunana, ŋunhinydjayi dhunupana yana nhanŋu † RuthRuthkuna märranharawu. Bala ŋayi Bawatjtja wäthurruna ŋurikinydjayi ḏarramuwu, “Go marrtjiyana lili, ga nhiniya dhipalana gay ŋarrakala galkililina,” bitjarra. 2 Bala ŋayi nhinananydja, ga bitjarrayi liŋgu walala wiripu‐guḻkuny'tja yolŋu'‐yulŋu ŋaḻapaḻmirrinydja nhinana marrtjina galkilili yana. 3 Bala ŋayi ŋunhi Bawatjtja waŋana ŋurikala ḏarramuwala bitjarrana, “Nhe marŋgi ŋunhi ‡ NaomiNäyumi yawungu roŋiyirri beŋuru § MoabMawapŋuru. Ŋayi ḏukṯuk ŋayi yurru wekama, dhayuŋanna ŋayi yurru ŋunhi wäŋanydja nhanukalaŋuwu dhuway'mirriŋuwunydja, ga nhenydja dhuwala ga galkiwuynha yana gurruṯu'mirrina wal'ŋu ŋurikiyi rakunygunydja. 4 Nhe muka bini märranhanydja bäyimdja ŋunhiyi wäŋanydja. Ŋuli nhenydja djäl, ga ḻakaraŋa dhiyapa ŋaḻapaḻmirriwana. Ga ŋuli nhe yakanydja ḏukṯukthirri ŋurukuyi märranharawu, ga ŋarranydja yurru ŋarrapina bäyim ŋunhiyi wäŋanha.”

Ga ŋayinydja waŋana ŋunhiyinydja ḏarramu bitjarra, “Yo, ŋarrana yurru märrama ŋunhiyi,” bitjarra. 5 Ga ŋayinydja Bawatjtja waŋana bitjarra, “Yo manymak,” bitjarra. “Ga ŋunhi nhe yurru märramanydja ŋunhiyi wäŋa bäyimdja, ga bitjandhi liŋgu nhe yurru märramayi Ruthnhanydja ŋunhi mulkurunhanydja miyalknha, märr yurru ŋayi märrama yukurra djamarrkuḻi'nha ŋurikiyi rakunygu ḏarramuwu.”

6 Ga ŋayi ŋunhi ḏarramunydja waŋana bitjarra, “Yo, yakana ŋarra yurru märrama ŋunhi miyalknhanydja,” bitjarra, “Liŋgu ŋarranydja djäl walala yurru ŋarrakalaynydja djamarrkuḻi'yu märrama yukurra ŋula nhä malanha ŋarrakuway yana yurru. Ga nhena ŋunhiyinydjayi yurru märrama wäŋa, liŋgu ŋarranydja yakana ḏukṯuk,” bitjarra.

7-8 Bala ŋayi ŋuriŋi ḏarramuyunydja yupmaraŋala dhapathuŋ'nha djalkiriŋuruna nhanukalay ŋayi, bala wekaŋala Bawatjkuna, liŋgu ŋunhiyinydjayi rom walalaŋgu, ga ŋunhi ŋayi djarr'yurruna bitjarrayinydjayi, bala dhapathuŋ'nha wekaŋala nhanŋu Bawatjku maŋutjiŋura ŋurikala walala ŋaḻapaḻmirriwalanydja, mayaliny'tja ŋunhiyi ŋayi yukurrana ḻakaraŋala bitjarrayinydja, “Ŋarra yurru gananna dhuwalayinydjayi, yakana ŋarra ḏukṯuk. Ŋunhiyinydjayi yurru nhuŋuwaynha yana gupaḏalnha‐wala, liŋguna ŋarra yurru märr‐ḏaḏawyunna ŋuliŋuruyi,” bitjarra. 9 Bala ŋayi Bawatjtja waŋana bitjarrana ŋurikala ŋaḻapaḻmirriwalanydja, “Liŋgu nhuma nhäŋalana dhuwalayi yulŋunydja, marŋgimirrina nhuma, ŋunhi gäthuranydja dhuwalanydja ŋarra märraŋalana ŋulaŋuru Näyumiwalanydja bukmak nhä malanha ŋunhi nhanukalaŋuwu dhuway'mirriŋuwu ŋuriki rakunygu, ga nhanukalaŋuwu walkurwu maṉḏaku ḏarramuwu maṉḏaku. 10 Ŋunhayinydja wäŋa yurru ŋarrakuwaynha yana, ga bitjandhi liŋgu ŋunhinydja Mawappuynydja miyalk ŋarrakuwayyi yurru yana, märr yurru ŋunhi rakunymirriwunydja gurruṯu'mirri walala bitjanna liŋguna nhina yukurra yurru dhiyala nhanukala wäŋaŋura.”

11-12 Bala walala ŋunhi ŋaḻapaḻmirrinydja waŋana bitjarra, “Yo, ŋanapurrunydja dhuwala mäkiri'‐marŋgimirri, ga yuraŋala ŋanapurru. Godthunydja yurru nhuna goŋmirriyamana wirrkina yana, ga nhe yurru yukurra nhinanydja djamarrkuḻi'walaŋumirrinydja miṯtji guḻku'mirrina.”

13 Bala ŋayi Bawatjthu märraŋalana ŋanya Ruthnhanydja, bala maṉḏa nhinana yukurrana‐a‐a, bala ŋayi Ruthtja yothu'mirriyinana, ga yalalaŋumirrinydja bala dhawal‐wuyaŋinana ŋunhi yothuny'tja nhanŋu ḏarramunydja. 14 Bala walala ŋunhi dhäykawurrunydja mirithinana goŋmirriyinanydja dhikana wal'ŋu, bala walala waŋana Näyumiwalanydja bitjarrana, “Wokthunna ŋilimurru Godkunydja, liŋgu ŋayi wekaŋala nhuŋu gutharra'mirriŋunhana; ŋayina yurru djäkanydja nhuŋu, ŋunhi ŋayi yurru ŋuthan yindithirrinydja wakindhirrinydja. 15 Nhuŋu gäthu'mirriŋunydja märr‐ŋamathirri yukurra mirithirri yana, ŋunhi ŋayi gäŋala nhuŋu gutharra'mirriŋunha. Ŋuriŋiyi nhokala gutharra'mirriŋuyunydja yurru nhuna galŋa‐djulŋikumana dhikana, bitjan yuṯakumana, ga ŋunhi nhe yurru worruŋuyirrinydja, nhenydja yurru yukurra nhina goŋmirriyirrina marrparaŋ'thirrina ŋunhili nhanukalana djäkaŋura.”

16 Ga ŋayinydja Näyumiyunydja galkikuŋalana wal'ŋu ŋanya yana, 17 bala walala ŋunhi yäku‐nherraranydja yothu'nhanydja ŋunhiyi * ObedWopitnha. Bala walala marrtjina ḻakaraŋala birrka'mirriwana yolŋuwanydja walalambala bitjarrana, “Way, Näyumiwunydja ŋunha gutharra'mirriŋuna dhawal‐wuyaŋina ḏarramu,” bitjarrana.

Ga ŋunhi ŋayi ŋunhiyi yothu Wopit ŋutharranydja marrtjina bala, ga märraŋalanydja ŋayi dhäykanhanydja nhanŋuway, ga nhanŋunydja yothu dhawal‐wuyaŋina, ga yäkunydja ŋayi † JesseDjitjina. Ga ŋunhiyinydjayi Djitjinydja yäku bäpa'mirriŋu ŋayi ‡ DavidDaypitkuna, ŋurikina ŋunhi ŋayi buŋgawa § IsraelYitjuralwuna miṯtjiwu.

18-22 Yo, dhuwalanydja Daypittja ŋuliŋuruna yarraṯaŋuru gam' * 4:18–22 PerezBeratjtja bäpa'mirriŋu dhuwala † 4:18–22 HezronYitjurungu, ga Yitjurundja bäpa'mirriŋu ‡ 4:18–22 RamRämguna, ga Rämdja bäpa'mirriŋu § 4:18–22 AmminadabMinatapkuna, ga Minataptja bäpa'mirriŋu * 4:18–22 NashonNätjunguna, ga Nätjundja bäpa'mirriŋu † 4:18–22 SalmonDjamanguna, ga Djamandja bäpa'mirriŋu Bawatjkuna, ga Bawatjtja bäpa'mirriŋu Wopitkuna, ga Wopittja bäpa'mirriŋu Djitjiwuna, ga Djitjinydja bäpa'mirriŋu Daypitkuna, ŋurikina ŋunhi ŋayi buŋgawa Yitjuralwuna miṯtjiwu.