1 Mukthurruna walala yukurrana marrtjinaŋga yana, ŋupara marrtjina wäŋa ganbarkka dhika ŋanhdharkka. Marrtjinana walala yukurrana‐a‐a ga‐ga‐ga‐a‐a, yana liŋgu‐u‐u wäŋa gilitjina marrtjina nhäyikawuy * RephidimRapatimbuy. Walala wäŋaraŋalanydja ŋunhalana Rapatimnha, yurru gapumiriw wäŋanydja ŋunhiyi; yakana walala gapu maḻŋ'maraŋala ŋula.

2 Bala yolŋu'‐yulŋuyunydja biyapul ŋarrtjurruna † MosesMawtjitjnha bitjarra, “Ma' gapu ŋanapurrunha wekaŋa go. Ŋanapurru ḻukana,” bitjarra. Ga Mawtjitjthunydja waŋana walalanha bitjarra, “Nhäku nhuma yukurra ŋarranhanydja ŋarrtjun? Nhäku warray nhuma bitjandhinydja ŋuli yukurra gatjarr'yun Garraynhanydja?”

3 Yurru ŋunhi yolŋu'‐yulŋuyunydja wirrkina ŋar'ŋaryunmina dhika, mukthurruna warray marrtjina ŋarrtjurruna bala Mawtjitjnha. “Nhäku nhe yawungu ŋanapurrunha gäma ŋulaŋurunydja ‡ EgyptYetjipŋurunydja? Nhe ŋanapurrunha buma yurru dhiyalana gay'? Ŋanapurru yurru murrmurryunna ŋanhdharkthinyarayuna? . . . ŋanapurruway ga yumurrku' ŋanapurruŋgu? . . . ga wäyin walala?”

4 Bala Mawtjitjthunydja bukukurru waŋana Garraynha bitjarra, “Nhaltjan ŋarra yurru dhiyaku yolŋu'‐yulŋuwunydja? Galki yurru ŋarranha walala dhuwala buma, guṉḏayuna wirriw'‐wirriwyun.”

5 Bala Garrayyunydja waŋana Mawtjitjnha bitjarra, “Garr'yurra ḏilaknha, ŋurru'‐ŋurruŋunha dhipuŋuruyi miṯtjiŋuru, bala marrtjiyana, mel‐warryurrana walalanha, ga goŋdhunydja gäŋa wapitja, dhiyaŋuyi ŋunhi nhe wutthurruna mayaŋ ŋunhala Yetjip gapu. 6 Ga ŋunha § SinaiDjäniyanydja bukuŋuranydja ŋarranydja yurru djingaryun yukurra ŋunhalayi guṉḏaŋura, bala nhenydja yurru wutthurra ŋunhayi guṉḏa dhiyaŋi wapitja'yu, bala yurru gapunydja ḻarryunna, märr yurru yolŋu'‐yulŋuyunydja ḻukana ŋarkulany'tja ŋuliŋuruyina guṉḏaŋuruna.”

Yuwalkthi Mawtjitjthunydja bitjarrayi guṉḏanhana wutthurruna, milma ŋurikala ḏilakkalana, bala gapunydja ŋuliŋuruyi ḻarryurrunana guṉḏaŋuru. 7 Bala ŋuliŋurunydja dhurrwaraŋuru Mawtjitjthu yäku nherrara ŋunhiyinydja wäŋa märrma'na yäkunydja, waŋganydja yäku * MassahMatja, mayali' ‘gatjarr'yun’, ga wiripunydja yäku † MeribahMiripa, mayali' ‘marimirri’. Ŋayi Mawtjitjthu bitjarrayi yäkunydja nherrara ŋunhiyinydja wäŋa, bili walala ŋuli yukurranha ŋarrtjuna ga mari‐wunanha, ga wiripunydja walala yukurranha ŋuli gatjarr'yuna yana Garraynha, waŋanha bitjana gam', “Wanhaka dhika be Garraynydja? . . . dhiyalamiŋga? . . . bay wanhaka?” bitjana.

8 Ga ŋuliŋurunydja dhurrwaraŋuru miriŋuna ŋunhilinydja ḏo'yurruna ‡ IsraelYitjuralpuyŋuwu bunharawuna walalaŋgu, miriŋunydja ŋunhi bäpurru' § AmalekYamalik. 9 Bala * MosesMawtjitjtja waŋana waŋganyguna ḏarramuwu yäkuwu † JoshuaDjatjuwawuna bitjarra, “Nhenydja yurru marrtji ga djarr'yun ḏarramuwurrunhana, nhuma yurru marrtji marilili, ga buma walalanha ŋunha Yamalikpuynha. Ga ŋarranydja yurru ŋunhala garrwar bukuŋura djingaryun yukurra, bala garrwarkuma ŋarra yurru yukurra wapitja' yulŋunydja ŋunhi Garraywuŋuna.”

10 Yuwalkthi ŋayi Djatjuwanydja marrtjinana‐wala yana marililina, ŋunhi nhaltjarra Mawtjitjthu waŋana ŋanya, ga dhunupana bunharaminana marrtjina Yitjuralnydja ga Yamaliktja mala. Ga walalanydja ḏuwa'‐ḏuwaṯthurruna bukulilina garrwarlilina, Mawtjitj ga ‡ AaronYärun ga § HurWar, 11 bala ŋayi Mawtjitjtja djingaryurruna yukurrana goŋ‐wapitja'mirrina, garrwarkuŋala yukurrana wapitja ŋunhi. Märr ŋayi Mawtjitjthu garrwarkuŋala wapitjany'tja, bala walala Yitjuralpuyŋuyunydja warr'‐warryurrunana Yamaliknha gay; märr ŋayi Mawtjitjthu bitjarra gurrunhara ŋunhi wapitjany'tja, bala walalanydja Yamalikthunydja warr'‐warryurruna walalanhanydja lilinydja Yitjuralpuyŋunhanydja.

12 Bala Mawtjitjtja waṉana djawaryurruna marrtjina garrwarkunharayuna, bala maṉḏa märraŋalana guṉḏana Yärundhu ga Waryu, bala nherrara ŋanya ŋunhimala guṉḏalilina. Nhinana ŋayi yukurrana‐a‐a Mawtjitj guṉḏaŋurana, waṉanydja garrwarthina yukurrana, ga maṉḏa Yärundhu ga Waryu yukurrana guŋga'yurruna ŋanya waṉanydja‐garrwarkuŋala, waŋganydhunydja wirrkaḏay'ŋuyu, ga waŋganydhunydja dhunupa'ŋuyu waṉayu. Mukthurrunana ŋayi yukurrana waṉanydja‐djarryurrunana, goŋ‐wapitja'mirri yana, yana liŋgu‐u‐u walu marrtjina gärrina. 13 Bala Djatjuwawala miriŋuyuna bumara dhawar'maraŋala Yamaliknhanydja malanha warrpam'thurrunana walalaŋgiyingala mandjawakthuna.

14 Ga Garraynydja waŋana Mawtjitjkala bitjarra, “Ma', wukirrina dhuwalanydja dhäruk djorra'lilina, ga biyakayi bili ḻakaraŋa Djatjuwawalanydja biyaka gam', ‘Ŋarra yurru dhawar'maramana Yamaliknhanydja warrpam'nha. Yakana yurru biyapul ŋula yolthu walalanha guyaŋirrinydja.’ ” 15 Bala Mawtjitjthu botjaŋala guṉḏana marrtjina ŋal'‐ŋalmaraŋala, ga ŋunhiyinydja wäŋa ŋayi yäku nherrara ‘Garray ŋarrakunydja garrurru’, 16 liŋgu bitjarranydja Mawtjitj waŋana, “Garrayyu yurru bumana marrtji Yamaliknhanydja bitjanna liŋguna, dhuŋgarra‐watjthirrina.”