7
6-7 Bala Mawtjitjtja ga Yärundja dhäruknha yana märraŋala Garraynha, bala maṉḏa marrtjinana, ga ḻakaraŋala buŋgawawana ŋunhi nhaltjarra Garrayyu waŋana ḻakaraŋala maṉḏakala. Yurru maṉḏa worruŋuna ŋunhi yulŋunydja; nhanŋu Mawtjitjkunydja dhuŋgarra djaka'wu 80 ŋulinyaramirriyunydja, ga nhanŋunydja Yärungunydja dhuŋgarra 83‐na.
8-10 Ŋe. Marrtjinana bala maṉḏa, bur‐way bunana, bala maṉḏa ḻakaraŋalana Godkuŋu dhaŋunydja, ga biyapul ŋayi Yärundhu ŋurrkaŋala ŋunhiyi wapitja gumurrlili ŋurikala buŋgawawala ga nhanukalaŋuwala djämamirriwala walalaŋgala, bala dhunupana ŋunhi wapitjany'tja marrtjina moḻ'ŋuyinana.
11-12 Bala ŋayinydja ŋunhi buŋgawanydja wäthurruna nhanukalayŋuwu gaḏamanmirriwuna yolŋuwu walalaŋgu, ga bitjarrayi bili walalanydja djäma ŋuriŋi waŋga'‐waŋganydhu ŋurrka'‐ŋurrkaŋala wapitja malanha, ga walalambalanydja wapitja malanha bitjarrayi bili moḻ'ŋuyinayi. Bala nhanukalanydja Yärungalanydja marrtjina wapitja'yu wurkthurruna warray walalambalanydja wapitja'nha malaŋunha.
13 Ga baḏak yana ŋunhi Yetjippuyŋunydja buŋgawa rom‐ḏälthina yukurrana; yakana ŋayi mäkiri'‐witjurruna maṉḏaku dhärukku, bitjarrayi yana bili bitjarra ŋunhi ŋayi Garrayyu ḻakaraŋala ŋäthili‐wala maṉḏakala.
Bala ŋayi mayaŋdja marrtjina gulaŋdhina warray
7:14–25 (The rivers became blood)
14 Bala Garrayyunydja ḻakaraŋala * MosesMawtjitjkala bitjarrana, “† EgyptYetjippuyŋunydja buŋgawa dhuwali rom‐ḏälthirrina yukurra, yaka'yunna ŋayi yukurra dhuwali yulŋunydja. Yakana ŋayi yurru djuy'yundja. 15 Goḏarrny'tja boŋguŋunydja nhuma maṉḏa marrtji boŋgama bala mayaŋ'lili, ga ŋunhala yana nhuma boŋgama nhänharami ŋunhi buŋgawanydja. Waŋinydja nhuma boŋgaŋu biyapul nhanukala, 16 ‘Yaka nhe mäkiri'‐witjurruna Godkalaŋunydja dhärukku, ŋunhi ŋayi waŋana nhuna yängunharawu nhanukalayŋuwu yolŋu'‐yulŋuwu, märr yurru walala yukurra buku‐ŋal'yun nhanŋuway. 17 Ga dhiyaŋunydja‐wala nhe yurru marŋgithirrina Godku, yol ŋayi ŋunhi. Ŋarranydja yurru gapunha dhuwala wutthun dhiyaŋu dharpayu, bala ŋayi yurru gapunydja dhuwala wiripuyirrina, gulaŋdhirrina yurru. 18 Yo, walala yurru ŋarirriny'tja murrmurryunna bukmaknha, ga gapunydja yurru dhuwalayi boŋirriny'thirrina, barrpa'yirrina buŋgandja, märr yurru yakana ŋula yolthu ḻuka yukurra ŋuliŋuruyi mayaŋ'ŋuru.’ ”
19-21 Bala maṉḏa yuwalkthi ‡ 7:19–21 AaronYärundhunydja ga Mawtjitjthunydja ŋunhi nhaltjarra maṉḏaku Garrayyu djäma ḻakaraŋala. Bala ŋayi Yärundhunydja warr‐way märraŋala wapitja'na bala yana gapuna marrtjina wutthurruna. Dhunupa gapunydja gulaŋdhinana; warrpam'nha gulaŋdhina ḻiw'maraŋala Yetjiptja. Ga ḏumurru'ŋunydja gapu mayaŋ gulaŋdhinayi yana, ga guyanydja marrtjina murrmurryurrunana, ga buŋgan boŋirriny'thinana ŋunhiyi gapunydja. Yakana walala ŋuriŋiyi Yetjippuyŋuyunydja yolŋu'‐yulŋuyu yukurrana ḻukana ŋuliŋurunydja gapu, liŋgu warrpam'nha gapunydja gulaŋdhinana yätjthinana.
22-25 Bala walalanydja Yetjippuyŋuyunydja gaḏamanmirriyu walalay bitjarrayi liŋgu yana djäma gapu gulaŋguŋala. Bala ŋayi buŋgawanydja buluna rom‐ḏälthina; yakana ŋayi mäkiri'‐witjurruna maṉḏaku dhärukku.