1  * MosesMawtjitjtja ŋunhi worruŋuna, bala ŋayi waŋanana yukurrana bukmakkala ŋunhi † IsraelYitjuralpuyŋuwala yolŋu'‐yulŋuwala, bitjarrana gam', 2 “Djawuḻpa'na ŋarranydja dhuwala, dhuŋgarranydja ŋarraku dhuwala guḻku'na 120‐na; yakana biyapulnydja ŋarra yurru nhumalaŋgu ŋurruŋu. Märr‐yawungunydja ŋayi Garrayyu ŋarranha waŋa yaka'yunna, yakana yurru ŋarra buḏapthun mayaŋ'kunydja ‡ JordanDjodanbuyŋunydja, yakana be ŋarra boŋguŋu gärri ŋunhamalanydja wäŋalili § CanaanGaynanlilinydja. 3 Garrayyuna yurru ŋayipina nhumalanha ŋurru‐warryundja, ŋayina boŋguŋu nhumalanha gäŋu ga ŋilitjurru ŋunhawalanydja wäŋalili ya'. Nhuma boŋguŋu baymatthurru buwayakkuŋuna, dhawar'maraŋuna ŋunhayinydja miṯtjinha ŋunhi walala yukurra nhina ŋunhalami wäŋaŋura, bala nhumana yurru yukurra nhinanydja ŋunhala wäŋaŋura. Ŋayi * JoshuaDjatjuwa nhumalaŋgu boŋguŋu ŋurruŋunydja, bili Garrayyunydja ŋanya djarr'yurruna. 4-5 Garray dhuwala nhumalaŋgalanydja gali'ŋura, ŋayi boŋguŋu nhumalanhanydja guŋga'yurru; nhuma boŋguŋu yana baymatthurruna wal'ŋu dhawar'maraŋuna bukmaknha yana yolŋunhanydja walalanha rumbal‐winya'yunmaraŋuna, bili ŋayipi yawungu Garrayyu waŋa nhumalanha bitjanarawuyinydja. 6 Yakana nhuma boŋguŋu yana ŋula barrarinydja. Ŋoy‐wuṉḏaŋarrthiya yana yulŋunydja, ŋayaŋu‐nherraṉmiyanydja Garraywala yana, liŋgu Garray ŋayipi nhumalaŋgu boŋguŋu malthurru bämarany'tja, yakana ŋayi boŋguŋu nhumalanha gonha'yurrunydja ŋula gänaŋulilinydja.”

7 Bala yana ŋayi ŋuliŋurunydja dhurrwaraŋuru Mawtjitj wäthurruna Djatjuwawuna, bala nherrara ŋanyana gumurrlili ŋurikala yolŋu'‐yulŋuwalanydja malalili, Yitjuralpuyŋuwala milma, bala waŋanana nhanukala bitjarrana, “Djatjuwa, djingaryurranydja ŋoy‐wuṉḏaŋarrthiya yana yukirriya. Yakana nhe yurru barrariyanydja, yana yukirriya ŋayaŋu‐yuwalkthiyanydja ŋanyapinyay Garraynha. Nhena yurru gämanydja‐wala dhuwalanha yolŋu'‐yulŋunhanydja walalanha, ŋurru‐warryun ŋunhamalayinydja wäŋalili ŋunhi Garrayyu wekaŋala walalaŋgalaŋuwala märi'muwala ŋunhala be baman'; gärrinyamaraŋunydja nhena boŋguŋu walalanha, bala walala yurru nhinana yukurra ŋunhalana. 8 Ŋayipinydja Garrayyunydja yurru nhuna mel‐warryun; ŋayi boŋguŋu nhokala galki. Yakana nhe yurru barrariyanydja, liŋgu yakana ŋayi yurru nhuna gonha'yun gänaŋulilinydja.”

14 Ŋuliŋurunydja dhurrwaraŋuru Garray waŋana Mawtjitjkala bitjarra, “Mawtjitj, walunydja nhuŋu dhuwala galkina rumbal‐winya'yunarawuna; yakana nhe yurru märr‐weyindja nhina. Gatjuy, garr'yurra Djatjuwanha räli, nhuma maṉḏa yurru marrtji djunama Buṉbulili, ga ŋunhalayi ŋarra yurru ŋarrapi dhäruktja wekama nhanŋu Djatjuwawu.”

Bala maṉḏa yuwalkthi Mawtjitjtja ga Djatjuwanydja marrtjina ŋunhamalayi, 15 ga ŋunhalayi Garray maḻŋ'thunmaranhaminana maṉḏakala maŋanmirri, ŋayi yukurrana djingaryurrunanydja galki dhurrwaraŋura wäŋaŋura. 16 Bala yana Garraynydja waŋana Mawtjitjkala bitjarrana, “Walunydja dhuwala galkina nhuŋu rakunydhinyarawuna, ga walalanydja dhuwala yolŋunydja walala boŋguŋu marrtjina ŋunhawalana‐wala wäŋalilina gärri. Ŋunhalanydja boŋguŋu walala ŋarrakala ŋapa‐wilyurruna, gonha'yurruna boŋguŋu ŋarranhanydja; walala boŋguŋu yukirriyi buku‐ŋal'yurru wiripu‐guḻku'wuna waŋarrwu walalaŋgu. 17 Ga ŋunhi walala boŋguŋu bilyurrunydja, gonha'yurrunydja ŋarranha boŋguŋu, bala ŋarranydja boŋguŋu wirrkina walalaŋgu ŋaramurryi, bala ŋarranydja boŋguŋu biyakuyi walalanhanydja gonha'yurruyi yana. Bala marina ŋula nhäna yurru walalaŋgu buna, walala yurru yukurra nhinanydja galŋa‐yätjthirrina ŋuriŋina yätjthuna malaŋuyu, yurruna walala yurru marŋgithirrinydja, ŋetjnha mulka, bala bitjanna yurru waŋa, ‘Yuwalk muka dhuwalayinydja maḻŋ'thurruna ŋilimurruŋgu galŋa‐yätjthinyamirrinydja rom, liŋgu Garraynydja yakana dhiyalami galki ŋilimurruŋgala; liŋguna ŋayi ŋilimurrunha gonha'yurrunana, liŋgu ŋilimurruway yana ŋapa‐wekanhamina nhanŋunydja.’ 18 Yo, yakana yana ŋarranydja yurru djäka walalaŋgu, ŋunhi yurru walala yukurra birrka'mirriwunydja waŋarrwu buku‐ŋal'yun,” bitjarra ŋayi Garrayyu ḻakaraŋalanydja.

19 Yo, bala ŋayi Garrayyunydja wekaŋalana yuṯanydja ŋunhi manikay Mawtjitjkalana, bitjarrana ŋayi waŋana, “Ma', wukirrina marrtjiya dhuwalayi manikaynydja, märr nhe yurru marŋgikumana yolŋu'‐yulŋunha. 20 Ŋarra marŋgi ŋurikiyi yolŋuwunydja walalaŋgu. Galkina ŋarra yurru walalanha gämana ŋunhawalayinydja wäŋalili, ḻatju'lilinydja wal'ŋu, ga nhinanydja walala yurru yukurra ŋunhalayina ḻatju'ŋurana dhika ŋatha‐guḻku'mirriŋurana, galŋa‐djulŋithirrina, yurru galkina yana walala yurru bilyun, bala meṉgumana ŋarranhanydja, ga buku‐ŋal'yun wiripuŋuwuna waŋarrwu. Ŋäthilinydja dhawu' walala nherrara, ŋunhi walalanydja yurru ŋarrakuway yana, bala walala yurru bilyunna, ŋanydjaḻa'yunna ŋarrakalaŋuŋurunydja, 21 bala marina yurru bathalana marrtjinydja yukurra walalaŋgu. Ga miyamandja walala yurru yukurra manikaynydja dhuwala, bala guyaŋinyamirriyamana walalanha yurru ŋuriŋiyi, ŋunhi walalanydja gatjpaḻ'yurruna ŋarrakalaŋuŋuru, bala dhuwurr‐yätjthinana. Yuwalk yana ŋarra marŋgi walalaŋgalaŋuwu ŋayaŋuwunydja, ŋunhi ŋayaŋu walalaŋgunydja djarrpi' yana wal'ŋu,” bitjarra ŋayi Garray waŋananydja. 22 Bala ŋayi Mawtjitjthunydja manikaynydja ŋunhiyi wukirrina marrtjina ŋunhi manikaynydja malanha djorra'lilina, ga ŋuriŋi bili yana waluyu ŋayi walalanha marŋgikuŋalanydja yukurrana.

23 Bala ŋuliŋurunydja Garray waŋana Djatjuwawalana bitjarrana, “Dhärriya nhenydja yukirriya ŋoy‐wuṉḏaŋarrthiya yana. Nhe yurru gämanydja, bala ŋilitjan dhuwala yolŋunhanydja walalanha Yitjuralpuyŋunhanydja ŋunhamalayina wäŋalili, bitjan liŋgu yana ŋunhi ŋarrapi nhumalanha wäwunmirriyaŋala. Ŋarranydja yurru ŋunhiliyi nhokala, bämara'yun yurru marrtji nhuna.” Bitjarra ŋayi Garray waŋananydja.