AMOS
Waymutjkuŋu dhäruk raypirri'yunarawuy, ŋurikiy ŋunhi Godthu boŋguŋu dhä‐ḏir'yurruna ŋunhinhanydja walalanha ŋunhi walala ŋuli muŋdhun yukurra ŋurruwuyknha
1
Godthunydja yurru dhä‐ḏir'yunna dhuwurr‐yätjmirrinhanydja miṯtjinha
1:1—2:5 (God will judge the wicked nations)
1 Yo, dhuwalanydja dhäruk wukirriwuy yolŋuwuŋu yäkuwuŋu * AmosWaymutjkuŋu, ŋunhi ŋayi wäyin‐djäkamirri yolŋu ŋurikiy wäŋawuy † TekoaDekuwawuy. Yo, Godthu warraŋulkuŋalana maḻŋ'maraŋalana dhuwala dhäruktja ŋurikala Waymutjkalanydja ŋulinyaramirriyu waluyu ŋunhi ŋayi ‡ UzziahYutjayaŋga yäku buŋgawa yukurrana nhinana § JudahDjudawuy, ga ŋayinydja * JeroboamDjirapawumdja buŋgawa ŋayi † IsraelYitjuralwuynha. 2 Ga bitjarra ŋayi Waymutj waŋananydja gam'.
“Garraynydja marrtji yukurra ŋulaŋuru bukuŋurunydja ‡ ZionDjäyanŋurunydja,
yatjun marrtji rirrakay ŋanyana bathalayuna dhikana;
ŋulaŋurunydja § JerusalemDjurutjalamŋurunydja ŋayi yurru waŋanydja wirrkina gal'ŋu yatjunna rirrakay,
bitjanna bitjan murryu'‐murryun marrtji ŋuli woḻma.
Yo, wäyin‐djäkamirrinydja walala yukurra galŋa‐yätjthirrina nhina,
liŋgu ŋunhiyi wäŋa baṉḏanynha marrtji ŋorra räwaknha,
ga mulmunydja räwakthinana, bala raku'‐rakunydhinana.”
3 Bitjan ŋayi Garray waŋanydja yukurra gam'. “Yuwalk yana ŋarra yurru dhä‐ḏir'yundja yolŋu'‐yulŋunha ŋunhi * DamascusDamatjkawuynydja wäŋawuy, makarrwuynydja † SyriaDjiriyawuy, liŋgu bitjarra liŋgu walala yukurrana yana dhuwurr‐yätjkuŋala djäma; yakana walala yurru marrtji dhä‐ḏir'yunaramiriwnydja‐wala. Ŋunhayi Damatjkawuynydja yolŋu'‐yulŋu be nhäna ŋoy‐wurrpu'mirrina yanana, ga bumara walala marrtjina yolŋu'‐yulŋunha ‡ GileadGiliyatpuynhanydja mel‐wuyunamiriwyuna walalay yana. 4 Bala ŋarranydja yurru djuy'yun gurthana yana, bitjan ŋayi yurru nhärana yana‐wala yulŋunydja ŋuriki buŋgawawunydja wäŋa, ga ŋunhi ḏälmirrinydja buṉbu malanha yurru buḻwaŋ'thunna, ḏaw'‐ḏawyunna marrtji muṉguythirrina. 5 Ŋarra yurru djuḏul'yunna yukurra muṉguykumana ŋunhiyi ḻoḻunydja ŋunhi wäŋanydja, ga yakana yurru biyapul yolŋu walala yukurra nhina ŋunhiliyi, yana walala yurru Djiriyapuynhanydja ŋunhinydja djaw'‐djawyunna ŋuriŋi miriŋuyuna walalay, djaw'‐djawyun bena‐wala walalaŋgalaynha walala wäŋalili.
6 “Ga bitjandhi liŋgu ŋarra yurru dhä‐ḏir'yundhi yolŋu'‐yulŋunha ŋurukuy § GazaGäthawuynhanydja walalanha, liŋgu walala yukurra djäma bitjan liŋgu yätj yana mirithirri rom malanha. Walala marrtjina, bala djaw'‐djawyurruna marrtjina Djudawuynhanydja ŋunhi yolŋu'‐yulŋunha miṯtjinha bukmaknha yana bäpurru'nha, bala ḏapṯapmaraŋalana gäŋala bena‐wala * EdomYedamlilina wäŋalili walalaŋgalaynha. 7 Bala ŋarranydja yurru yana djuy'yunna gurthana ŋunhayi wäŋalili ŋarakalili Gäthalilinydja, yana ŋayi yurru nhäranydja warrpam'nha ḻoḻu ŋunhi ga buṉbu malanha, ga biyapul bathalamirri gal'ŋu ḏälmirri ŋunhi buṉbu malanha yurru buḻwaŋ'thunna, ḏaw'‐ḏawyunna yurru marrtji muṉguythirrina. 8 Ŋarra yurru bitjandhi liŋgu baḏuwaḏuyundhi yolŋu'‐yulŋunha † AshdodYatjthutpuynhanydja ga ‡ AshkelonWatjkalunbuynhanydja, ga bukmak yurru ŋunhi § PhilistinesBilitjiyawuynydja yolŋu walala warrpam'nha murrmurryun, yakana yurru ŋula waŋgany yolŋu walŋa yukurra nhina.
9 “Ga bitjandhi liŋgu ŋarra yurru dhä‐ḏir'yundhi yolŋu'‐yulŋunha * TyreDäyapuyŋunhanydja, liŋgu walala ŋuli bitjan bili yana djäma yukurra yätj; yakana walala yurru marrtji yära dhä‐ḏir'yunamiriwnydja‐wala. Ŋäthilinydja ŋunhinydja walala djäma dhawu'‐nherrara Djudapuyŋuwalanydja, märr walala bini djäma ḻundukunhaminya bala‐lili'yunminya walalaŋguway walala. Yurru walala ŋunhi Däyapuyŋuyunydja yolŋu'‐yulŋuyu yakana yukurrana guyaŋina ŋunhiyi dhawuny'tja, yana walala bakmaraŋalana. Yana walala mulkanana marrtjina walalanha yolŋu'‐yulŋunha ŋunhi Djudawuynhanydja walalanha, bala garrpirana walalanha bitjarrana, bala gäŋala walalaŋguwaynha Yedamlilina wäŋalili. 10 Bala ŋarranydja yurru yana djuy'yun gurthana ŋunhiyi wäŋalili Däyalilinydja, ga bitjandhi liŋgu ŋayi yurru nhära warrpam'thun yana‐wala ḻoḻunydja dhika nhänydja malanha muṉguythirrina, buḻwaŋ'thunna yurru.
11 “Ga bitjandhi liŋgu ŋarra yurru dhä‐ḏir'yundhi yolŋu'‐yulŋunha Yedambuyŋunhanydja, liŋgu bitjan yana liŋgu walalanydja yukurra djäma dhuwurr‐yätjthi yana. Yakana walala yurru marrtji dhä‐ḏir'yunamiriwnydja‐wala yänanydja, liŋgu walala yukurrana nyäṉ'thurruna, ga marrtjina ŋupara walalaŋguway ŋunhi gutha'mirriŋunha Yitjuralnha, bumarana marrtjina mandjawakthuna walalaŋgalay. Yakana walala ŋula mel‐wuyurruna Yitjuralwunydja, yana walala nyinyaŋdhurrunana yukurrana walalaŋgu, ŋaramurryinana manapara. 12 Bala ŋarra yurru yana djuy'yunna gurthana ŋunhimalayinydjayi wäŋalili, yana ŋayi yurru nhäranydja gurthanydja warrpam'thunna, ga ḏälmirri ŋunhi wäŋa be gal'ŋu yurru nhärana yana ŋayi buḻwaŋ'thunna warrpam'thunna.”
13 Ga bitjarra liŋgu ŋayi Garray waŋana bitjarranydja, “Bitjarra liŋgu yolŋu'‐yulŋu ŋunha † AmmonWamanbuyŋunydja yukurrana dhuwurr‐yätjthina, ga yuwalk yana ŋarra yurru walalanha dhä‐ḏir'yun yulŋunydja; yakana walala yurru marrtji‐wala dhä‐ḏir'yunamiriwnydja yana, liŋgu walalanydja ŋunhi rärru‐ḏilkurruna yanana wäŋawu ŋarakawuna. Ŋunhalanydja gay' Giliyattja wäŋaŋura walala marrtjina bumara yothu'mirrinha walalanha dhäykawurrunha, märr yurru walala märrama wäŋa walalaŋguwaynha walala warrpam'nha. 14 Ga bitjandhi liŋgu ŋarranydja yurru djuy'yundhi gurtha yana, yana yurru ŋayi nhära warrpam'nha ŋunhiyi buṉbunydja, ga be nhä ḏälmirri yuṯuŋgurr ŋunhi buṉbu wäŋa yurru buḻwaŋ'thunna yana nhärana. Bunharamirrinydja walala yurru mirithirrina gal'ŋu yanana rirrakayyu bathalamirriyuna, 15 ga walalambala ŋunhi buŋgawanha ga ŋurru'‐ŋurruŋunha walalanha yurru garrpiṉna ŋuriŋina miriŋuyuna, bala djaw'‐djawyunna bena‐wala walalaŋgalaynha walala wäŋalili.