1 Dhuwalanydja gay' dhäruk waŋa yukurra yäku * JeremiahDjiramaya ŋunhi ŋayi gäthu'mirriŋunydja dhuwalayi † HilkiahYilkayawu, ŋunhi ŋayinydja ḏalkarra'mirri yolŋu wäŋawuy ‡ AnathothYanathuwuy, § BenjaminBindjamangala yirralkaŋura. 2-3 Ŋayi Garraynydja waŋanana Djiramayawala ŋulinyaramirriyuna waluyunydja ŋunhi ŋayi yukurrana buŋgawanydja nhinana * 1:2–3 JosiahDjotjaya yäku, † 1:2–3 AmonWaymangu gäthu'mirriŋu, buŋgawa ŋayi ‡ 1:2–3 JudahDjudawuyŋu, ga biyapul ŋayi Garray waŋana Djiramayawala ŋulinyaramirriyu ŋunhi ŋayi yukurrana nhinana Djotjayawuna gäthu'mirriŋu § 1:2–3 JehoiakimDjiyuwakim yäku buŋgawa. Yo, ŋayi Garraynydja yukurrana waŋana nhanukala mirithirri guḻku'mirri, yanana liŋgu‐u‐u ga ŋulinyaramirriyuna ŋunhi ŋayi Djotjayawu gäthu'mirriŋu * 1:2–3 ZedekiahDjitakayana yukurrana nhinana buŋgawa 11‐nha dhuŋgarra, ga ŋuriŋinydjayi dhuŋgarrayu walala miriŋunydja marrtjinana, bala bumarana ḏaw'‐ḏawyurrunana ŋunhiyi wäŋanhanydja † 1:2–3 JerusalemDjurutjalambuynydja, bala djaw'‐djawyurrunana ŋunhiyi yolŋu'‐yulŋunhanydja ŋurikiy Djurutjalambuynydja wäŋawuy balayina ‡ 1:2–3 BabylonBapilunlilina wäŋalili. Ga dhuwala ŋunhi Djiramayawuŋu dhäwuny'tja.

4-5 Garray waŋana ŋarrakala bitjarra, “Ŋarranydja nhuna djarr'yurruna ŋäthili yana, yurruna ŋarra djäma nhuna ŋunha ŋäṉḏi'mirriŋuwalanydja guḻunlili. Ŋäthili yana gal'ŋu, yurruna nhe dhawal‐wuyaŋina ŋarranydja nhuna nherrarana, nhenydja yurru ŋarraku djawarrkmirrina yolŋu, gäma yurru yukurra ŋarrakuwaynha dhäruk miṯtjiwala yolŋu'‐yulŋuwalana.”

6 Ga ŋarranydja waŋana buku‐wakmaraŋala bitjarra, “Garray God, ŋarranydja dhuwala yaka ŋarra djawarrkmirri, yaka ŋarra marŋgi nhaltjan ŋarra yurru waŋa. Ŋarranydja dhuwala yuṯa yana ŋarra, balanyara bitjan yothu.”

7 Ga ŋayinydja waŋana ŋarranha bitjarra, “Yaka biyakayi waŋiya, yaka nhunapinyay nhe ḻakaranhamiya yothu ḻakaranhamiya bitjarra. Ŋarranydja yurru nhuna dhuwalanydja djuy'yunna yana ŋunha yolŋu'‐yulŋuwalanydja, ŋarrapi yurru nhuŋu ḻakaramanydja wanhamala nhe yurru marrtji, ga nhenydja yurru marrtjina yana, ga ḻakaramanydja nhe yurru ŋunhi yana liŋgu dhäruktja, ŋunhi ŋarrapi yurru nhuŋu dhäruk wekama waŋanharawu. 8 Yakana barrariya ŋula yolkunydja, liŋgu ŋarranydja yurru galki yana nhokala, gunganhamirriyama yurru yukurra nhuna ŋula nhäŋuru,” bitjarra ŋayi Garray waŋananydja.

9 Bala ŋayi Garraynydja goŋ‐djarryurrunana, bala mulkana ŋarranha dhurrwarana, bala ŋayi bitjarrana waŋana, “Ŋay', dhuwala ŋarra yukurra dhäruktja gathanna nhokala ŋäṉarrlilina. 10 Gäthuranydja dhuwalanydja ŋarra nhuna nherrarana dhiyakuyina djämawu, nhe yurru waŋanydja yukurra biyapul'nha wal'ŋu ganydjarrmirriyuna dhikana buŋgawawunydja walalaŋgu ga biyapul miṯtjiwu ga miṯtjiwu. Yo, dhiyaŋuyinydjayi dhärukthu nhe yurru bitjan ḏulŋurr'yunna romdja malanha, bitjan nhe yurru djuḏul'yunna marrtji muṉguykumana, ḏaw'‐ḏawyunna warrpam'thunna yurru. Ga biyapul nhe yurru dhuḻ'yundhi, bitjan nherraṉ dholkuma nhe yurru yuṯana rom ŋunhimalayinydja ŋäthiliŋulilinydja dharapullili.”

11 Bala ŋayi Garrayyu ŋarranha biyapul dhä‐wirrka'yurruna bitjarra, “§ JeremiahDjiramaya, nhä nhe yukurra nhämanydja?” Ga ŋarranydja waŋana bitjarra, “Nhämanydja ŋarra yukurra dhuwala walŋa dharpanydja.” 12 Ga ŋayi Garrayyunydja ŋarranha waŋana bitjarra, “Yo, yuwalk dhuwali nhe nhäŋalanydja dhunupa, ga ŋarranydja dhuwala walŋa yana. Ŋarranydja marrtji ŋarrapinydja nhäma ŋarrakuway ŋarra dhäruktja malanha, ga yuwalk yana ŋarra yurru djämanydja bitjandhiyi, ŋunhi nhaltjan ŋarra ŋuli yukurra dhawu'‐nherraṉ.”

13 Ga biyapul ŋayi Garrayyu dhä‐wirrka'yurruna ŋarranha bitjarra, “Djiramaya, nhä nhe yukurra biyapulnydja nhäma?” Ga ŋarranydja waŋana bitjarra, “Nhämanydja ŋarra yukurra dhuwala gapu buŋbuŋdhun yukurra banikin'mirri, yurru gilyunna ŋayi yukurra ŋunha yulŋunydja, rarryunna yukurra lilina bitjanna ŋilimurruŋgalana dhimurru'ŋuruna.”

14-15 Bala ŋayinydja waŋana bitjarrana ŋarrakala, “Yo, ŋulaŋuruyi dhimurru'ŋurunydja yurru marrtji bathalana marinydja, barrari‐wukunhamirrina yana, baḏuwaḏuyunna yurru yana warrpam'thunna yolŋu'‐yulŋunhanydja dhipuŋurunydja wäŋaŋuru, liŋgu ŋarra yurru waŋgany‐manapan marrtji miṯtjinha ga miṯtjinha bäpurru'nhanydja, ŋunhi walala yukurra nhina ŋunha dhimurru'ŋura, bala walala yurru marrtji waŋgany yana miṯtjinydja miriŋunydja, bala baḏuwaḏuyun warrpam'thuna yurru * 1:14–15 JerusalemDjurutjalamdja wäŋa, galkithirrina yana walala yurru marrtjinydja‐wala ŋunhana yana dhurrwaralilina, ga nhinanydja walala yurru marrtji ḻiw'maramana yana gungamana ŋunhiyi wäŋa. 16 Ga balakurru‐witjandhinydjayi ŋarra yurru dhä‐ḏir'yunna ŋarrakuway yolŋu'‐yulŋunhanydja, liŋgu walala dhuwurr‐yätjthina. Walala gonha'yurruna ŋarranha ga ḏiltjina‐wekaŋala ŋarrakunydja, bala buku‐ŋal'yun yukurra ŋunha wiripuŋuwuna waŋarrwu ŋula nhäkuna maḏayin'kuna malaŋuwu, märr‐ŋal'yunna yukurra ŋurikina goŋbuywuna djämawuywu nhäku malaŋuwu waŋarrwu.

17 “Gaŋgathiyana ŋe Djiramaya, bala marrtjiyana, ga ḻakaraŋana ŋarrakalaŋuwa yolŋu'‐yulŋuwanydja, ḻakaraŋanydja walalambala ŋunhi yana liŋgu ŋunhi ŋarrapi yurru nhuna dhäruk‐wekama waŋanharawu. Yakana barrariyanydja walalambala, yana mukthurrana waŋiya barrarimiriwnha wilwilyunamiriwnha. Ŋuli nhe yurru nhina yukurra galŋa‐mukthundja ga goranydja, bala ŋarranydja yurru yana nhuna gora‐wekamana gumurrŋurana walalaŋgala maŋutjimarana. 18-19 Liŋgu dhiyaŋunydja gay waluyu ŋarranydja nhuna bitjarra wuṉḏaŋarrkuŋalana ganydjarr‐wekaŋalana. Nhenydja dhuwala balanyarana biyaku ŋuli wäŋa dhuḻ'yunara wuṉḏaŋarrkunharana, ḻiw'maranharana biyaku ŋuli ḻoḻu gunganhara ḏälnha. Nhe yurru yukurra dhärra wuṉḏaŋarrnha yana, balanyarana biyaku ŋuli yuṯuŋgurr djimuku'. Walala yurru buŋgawamirriyunydja ga ŋurru'‐ŋurruŋuyunydja yolŋuyu walalay nhuna yukurra ḏur'yun galkinyamarama, ga walala yurru ḏalkarra'mirriyu ga bukmakthu yolŋuyu walalay ḏur'‐ḏuryunna nhuna, gur'kuryunna bitjanna yurru, yurru yakana nhuna yurru ŋula yolthu dhäkay‐galkinyamaramanydja. Nhepi yurru yana djuḻkthundja bukmakku walalaŋgu, liŋgu ŋarranydja dhuwala galki yana nhokala, bitjan gunganhamirriyama ŋarra marrtji nhuna,” bitjarra ŋayi Garray waŋananydja.