1 Ga ŋuliŋuru dhurrwaraŋuru ŋunhi ŋayi * EhudYewut liŋgu rakunydhinana, ga yänayi walalanydja ŋunhi † IsraelYitjuralpuyŋunydja ŋanydjaḻa'yurruna balayi ŋunhimalayi, ga yätjthi walala yukurrana djäma rom, ŋunhiyi liŋgu ŋunhi yukurra ŋuli Godthu nhäma ga ŋaramurryirri. 2 Bala biyapul Garrayyu wekaŋala walalanha goŋlili miriŋuwala, yäkuwala ‡ JabinDjapiṉgala, ŋurikala giŋgala ŋunhi § CanaanGaynanbuyŋuwalana, ŋurikalana giŋgala ŋunhi ŋayi yukurrana nhinana ŋunhala * HazorYatju. 3 Yurru yätj ŋayi ŋunhi ḏarramunydja, yaka ŋamakurruny'tja, ga nhanŋu malanydja miriŋunydja dhaŋaŋnha dhika guḻku'na mirithirrina, ga ganydjarr‐ḏilkurrumirrina. Yo, walala ŋuriŋiyi miriŋuyu märraŋala ŋunhiyi wäŋa Yitjural, ga buŋgawayinanydja walala yukurrana ŋuriki Yitjuralpuyŋuwuna miṯtjiwu, yana liŋgu ga dhuŋgarranydja 20‐na. Yo, galŋa‐yätjthinana walala yukurrana nhinananydja, yakana galŋa‐ŋamathinanydja, bala walala birrka'yurrunana roŋiyinana Garraynhana, bala walala yukurrana gawaw'yurruna nhanŋu Garraywuna guŋga'yunarawu.

4-5 Ŋulinyaramirriyuyi waluyu dhäyka yukurrana nhinana ŋurruŋu ŋuriki Yitjuralpuyŋuwu miṯtjiwu, ga yäkunydja ŋayi ŋunhiyi dhäyka † 4:4–5 DeborahDipura, yurru ḻiya‐djambatj balanyara miyalk; ŋayi ŋuli dhä‐wirrka'yuna mala‐yarr'yuna yukurranha yolŋu'‐yulŋunha, ga maḻŋ'maranha walalaŋgala nhä malanha, ŋunhi walala ŋuli mari‐wunanhaminyanydja, ga bitjannayi ŋayi ŋuli ḻakaranha walalaŋgu ŋamakurru' Garraywuŋunydja dhäwu'.

6 Ga waŋganymirri ŋayi Dipurayu dhäruknha djuy'yunmina ŋurikala ‡ BarakBarakkala yäkuwala, ŋunhi ŋayi ŋurruŋu miriŋuwu walalaŋgu, ga waŋananydja ŋayi Dipura bitjarra, “Dhuwalanydja dhäruk beŋuru Garraywuŋu. Gatjuy marrtjiyana, ga märraŋa guḻku'nha yana miriŋunhanydja, ga nhuma yurru § TaborDaypulili bukulili wäŋalili. 7 Ŋayi yurru Godthunydja gäma marrtji ŋunhi miriŋunha * MoabMawappuyŋunha ga walalaŋgu ŋurruŋunha buŋgawanha † SiseraDjitjuranha yäkunha, gämanydja ŋayi yurru walalanha balayi ŋunhimalayina wäŋalili, bala walalanha ŋayi yurru wekama nhokalana goŋlili.”

8 Ŋayi Baraktja waŋana ŋurikala dhäykawala buŋgawawala bitjarra, “Ŋuli nhe yurru malthun warray ŋarraku, ga ŋarranydja yurru marrtji warray, ga ŋuli nhe yurru yakanydja ŋarraku malthun, ŋarranydja yurru yakayi marrtji.”

9-11 Ga ŋayinydja ŋunhi Dipuranydja waŋana bitjarra, “Manymak, ŋarra yurru malthun nhuŋu, ga ŋali rrambaŋina yurru marrtjinydja. Yurru ŋayi yurru Garrayyunydja ŋunhi miriŋunhanydja buŋgawanha gathan miyalkkalana goŋlilinydja, ga ŋayina yurru bumanydja ŋanya miyalkthuna ŋuriŋina.”

Bala yana ŋunhi ŋurruŋunydja miyalk Dipuranydja marrtjina maṉḏa rrambaŋina Baraknha, ga bena dhika malanydja miriŋunydja malthurruna maṉḏaku bala bukulilinydja ŋunhi Daypulilinydja.

12-13 Ŋunhala ŋayi Djitjurayunydja ŋäkulana Baraknha ga nhanŋu miṯtjinha ŋunhi miriŋunha, ŋunhi walala yukurrana marrtjina bala bukulili, ga ŋayinydja ḻuŋ'maraŋala nhanŋuwaynydja ŋayi miṯtjinha ga girri' malanha mariwuynha, ga walalanydja marrtjinayi bala yana ŋunha bukulili, nyäṉ'thurruna Yitjuralpuyŋuwuna.

Yo, maṉḏanydja ŋunhi märrmany'tja Dipuranydja ga Baraktja ŋunhalana dhärranana yukurrana bukuŋurana, galkurrunana maṉḏa yukurrana, dharr'‐way nhäŋalana Djitjurawuna miriŋunha miṯtjinha, walala marrtjina yukurrana lilina. 14 Ga ŋayi Dipuranydja waŋana Barakkala, “Gäthuranydja ŋayi Garrayyu wekaŋala Djitjuranha ga nhanŋu miṯtjinha ŋunhi miriŋunha nhokalana goŋlili. Garraynydja ŋunha marrtjinana ŋurru‐warryurrunana nhuŋu ŋurruŋunhana,” Bala yana ŋayi Barakthunydja garr'yurruna nhanŋuway ŋayi miṯtjinha ŋunhi miriŋunha, bala yana yarrupthurrunana, withiyarana‐wala yana Djitjuranhana.

15 Ŋunhi walala marrtjina galkithinana Djitjurawunydja miriŋu, ŋayi Garrayyunydja walalanha ŋula nhaltjarra yana, bala walala yana walalawuynha goḏuy‐wunhamina, bala bunharamina yukurrana ŋunhina miṯtji yana. Bala walala gundupuŋalana dhikana‐wala dhakaṉdhinana. Ga ŋayipinydja Djitjuranydja ŋunhi buŋgawanydja wapthurrunana ŋuliŋuru yarraman'ŋurunydja, bala yana waṉḏinana wiḏi'yurrunana ḻukuyuna, balayina roŋiyina. 16 Walalanydja Barakkalanydja miṯtjiyu bumara ŋunhi Djitjurawunydja malanha miriŋunha, warrpam'nha yanana dhika dhawar'maraŋalana, ga yakana ŋula walŋathinanydja, ŋayipina waŋganynha walalaŋgu ŋunhi buŋgawana waṉḏina walŋa‐yuḻkthurrunanydja.

17 Waṉḏinanydja ŋayi ŋunhi nhinana bala‐a‐a, ga bunananydja ŋayi waŋganyguna miyalkku yäkuwu ‡ JaelDjayilwu, ŋunhi ŋayi yukurrana ḏalwaḏalwa'ŋura nhinana. 18-20 Ŋayi guyaŋinanydja Djitjurayu yanapi walala mala yolŋu'‐yulŋu, ga nhanukala gali'kurru, bala dhunupa ŋuriŋi miyalkthunydja garr'yurrunana ŋanya yana, bala waŋana bitjarrana, “Go gärriyana lili! Yaka beyaṉiyiya.” Bala ŋayi gulŋiyinana, ga wekaŋalanydja ŋayi ŋanya ŋarkula'na; wurkthurrunanydja ŋayi, bala marrtjina dhunupa yakurrthinana. 21 Gonha ŋayipi ŋorrana yukurrana yakurrnha, bala ŋayinydja marrtjina ŋuriŋi miyalkthunydja bumarana ŋanya rakunyguna; ŋayi märraŋala ḏalwaḏalwa'wuynha ŋunhi djalkirina, bala ḻäylilina nhanukala dhuḻ'yurruna, ga ŋunha gali'ŋura mar'‐wakthurrunanydja munatha'ŋurana.

22 Yo, Baraktja warrya'yurrunana yukurrana nhanŋu, birrka'mirrina dhika ḻarruŋala dharrana nhanŋu Djitjurawunydja. Bala ŋayi ŋuriŋi dhäykayunydja garr'yurrunana ŋanya waŋana bitjarrana, “Go marrtjiya lili, ŋarra nhuŋu yurru milkuma.” Bala ŋayi gäŋalanydja ŋanya ŋuriŋi miyalkthunydja bala ŋunhimala nhanukiyingalana ḏalwaḏalwa'lili, bala ŋayi nhäŋalana ŋunhiyi Djitjuranhanydja, ŋayi yukurrana ŋorrana rakunynha liŋguna, bunhara ŋurikiŋi miyalkkuŋuna.

23-24 Yo, Godthu guŋga'yurruna yukurrana ŋunhi Yitjuralpuyŋunha, ga wekaŋala ŋayi ganydjarr walalaŋgu, märr walala yurru buma dhawar'marama ŋunhiyi Gaynanbuyŋunhanydja ga bukmaknhana ŋunhi miriŋunha ga ŋunhinha yätjnha walalaŋgu giŋnha Djapiṉnha yäkunha.