6
Ḏakul' buwalkthurruna, bala yana wäkwakthurrunana marrtjina
6:1–7 (The axe head floated)
1 Waŋganymirriyu ŋuliŋuru dhurrwaraŋuru dhäwu'‐gänharamirri walala marrtjina lili * ElishaYelatjiyawala, ga waŋana ŋanya bitjarra, “Ŋanapurru ḏukṯuk ŋilimurru yurru bala' dhuḻ'yun, bili dhuwalanydja gay' buṉbu ga nyumukuṉiny'nha. 2-3 Marrtjiŋga ŋuli ŋanapurru bala † 6:2–3 JordanDjodanlilinydja? . . . ga guḻkthurru ŋunha dharpanydja malanha? . . . märr ŋilimurru dhuḻ'yun yurru buṉbu?”
Ga ŋayi Yelatjiyayunydja waŋana yuraŋala, “Ŋe. Gul' ŋilimurru marrtjina go,” bitjarrana. 4 Bala walala marrtjinana bala Djodanlilinydja, bala djämana dhunupana.
5 Yo, guḻkthurruna walala marrtjina dharpana malanha, ga waŋganygunydja ḏarramuwu yupthurruna muḻkurrnha ḏakul', ŋunha liŋgu gapulili mayaŋ'lilina dhurrwutthurruna, bena‐wala dhulupurrlilina. Ga ŋunhiyinydja ḏarramu ŋunhi ŋayi ḏakul' yupthurruna nhanukala, waŋana Yelatjiyanha bitjarra, “Nhaltjanna dhuwala ŋarra yurru yulŋunydja? Yaka ŋunha ŋarrakuwaynydja ḏakul; ŋunhayinydja ŋarra gombuŋala,” bitjarra.
6 Ga ŋayi Yelatjiyanydja waŋana, “Wanhamala dhika ŋayi yupthurrunanydja?” Ga ŋuriŋi ḏarramuyunydja ḻakaraŋala dhunupamirriyaŋalana.
Yelatjiyayu guḻkthurruna dharpa, ga ḏupthurruna ŋuhimalayi gapulili mayaŋ'lili, ga dhunupa ŋunhiyi ḏakulny'tja buwalkthurrunana marrtjina beŋurunydja, buwalk bitjarra dhika wäkwakthurrunana marrtjina ŋunha ŋapakurruna gapukurru. 7 Ga Yelatjiyayu waŋanana, “Märraŋana ma',” bitjarra. Bala ḏarramunydja ŋunhi baḻapthurrunana ŋurikinydjayi ḏakul'wunydja märraŋalanydja, ga wirrkina dhika goŋmirriyinanydja ŋayi.
Godthu ḻakaraŋala Yelatjiyawala nhä ŋunhi Djiriyapuyŋuwuŋu nherraṉara
6:8–23 (God told Elisha the enemy’s plans)
8 Bitjarrana liŋguna yana ‡ SyriaDjiriyawuynydja miriŋu nyäṉ'thurrunana yukurrana bala § IsraelYitjuralpuyŋuwunydja; walala ŋuli marrtjinyanydja, ga nhinanha marrtjinya djuḻu'‐djuḻuḻyunana ŋunha Yitjurallilinydja, märr walala bini yukurranha bunhanydja gayulnha yana marŋgikunhamiriwnha. 9-10 Yurru bitjana warray liŋgu ŋayi ŋuli * 6:9–10 ElishaYelatjiyayunydja dhäruk warray yukurranha djuy'yuna ŋuriki giŋgu warray, Yitjuralpuyŋuwu giŋgu, ḻakaranha ŋuli yukurranha marŋgikunhana, wanhamala ŋuli yukurranha ŋunhi Djiriyapuyŋu djuḻu'‐djuḻuḻyuna walalaŋgu miriŋu.
11 Ga ŋayi Djiriyapuyŋuyunydja giŋdhu ŋuriŋi buŋgawayu waŋanana dhä‐wirrka'yurruna walalanha nhanŋuwaynydja ŋunhi malanha bitjarra, “Yol walala dhika nhuma Yitjuralpuyŋuwalanydja gali'ŋura? Yolthu yukurra ḻakarama giŋba Yitjuralpuyŋuwanydja?” 12 Ga walalanydja buku‐ruŋiyinmaranha ŋuli waŋanha bitjana, “Yaka dhuwala ŋanapurru! Ŋuruŋu dhuwala Yelatjiyayu ya', . . . ŋayinydja ŋunhayinydjayi warrpam'nha marŋgina; ŋayi yukurra ḻakarama ŋuruku giŋgunydja wanhaka ŋilimurru yukurra djuḻuḻ'yun.”
13-14 Ga giŋdhunydja ŋäkula Yelatjiyanha, ŋunhi ŋayi yukurrana nhinana ŋunhala † 6:13–14 DothanDothan wäŋaŋura, bala ŋayi djuy'yurruna miriŋunhana nhanŋuway nyäṉ'thunarawuna ga mulkanharawuna nhanŋu, bala bunharawu rakunygunharawuna. Yo, ŋunhiyi miriŋunydja marrtjina gayulnha‐wala yana, nyäṉ'thurrunanydja munhakuna dhika yarraman'thuna. Marrtjinanydja walala yukurrana ḻiw'yunmaraŋala, yana liŋgu ḻiw‐ḏap ŋunhiyi wäŋanydja nhanukalaŋumirri.
15 Wiripuŋuyuna waluyu munhakumirri dhika ŋayi gaŋgathina nhanŋu Yelatjiyawu djämamirri, yana ŋayi marrtjina dhawaṯthurruna warraŋullili, dharr‐way nhäŋala ŋunhi Djiriyawuynydja miriŋunha, walala dhärrana ḻiw'maraŋala ŋunhi walalaŋgalaŋumirri, yarraman'nha ga be nhäna malanha. Bala ŋayi ŋunhiyinydja liliyi gulŋiyina Yelatjiyawunydja djämamirri, bala waŋana Yelatjiyanha bitjarra, “Yelatjiya, Yelatjiya! Nhaltjan dhuwala ŋilimurru yurru yulŋunydja? Bumana dhuwala ŋilimurrunha yurru walala?”
16 Ga ŋayi Yelatjiyanydja waŋana nhanŋu, “Yaka beyaṉiyiya! Ŋitjalaŋgalanydja gali'ŋura biyapul wal'ŋu guḻku', walalaŋgunydja yukurra djuḻkthunmaramana wal'ŋu.” 17 Bala ŋayi Yelatjiya bukumirriyaŋalana, “Garray, ḻapmaraŋa nhanŋu maŋutji, ŋayi yurru nhämana.” Bala yana yuwalknha dhika Garrayyunydja ḻapmaraŋala maŋutjina ŋunhi nhanŋu djämamirrinhanydja; ŋayi ŋuriŋi ḏarramuyu nhäŋalana dhika barrku‐ḏakthurrunana, dharr‐way nhäŋala guḻku'nhana yarraman'nha dhika nhäna malanha girri' gurthana, djiwarr'wuyyunydja miriŋuyu ḻiw'maraŋalana yukurrana ḏapmaraŋalana Yelatjiyanhanydja.
18 Ga dhäŋuru ŋuliŋurunydja ŋunhi Djiriyawuyŋunydja miriŋu giṯthurrunana marrtjina märranharawuna nhanŋu Yelatjiyawu. Ga Yelatjiyanydja waŋana bitjarra, “Garray, bambaykuŋa walalanha,” bitjarra. Ga dhunupa marrtjina ŋunhi miriŋunydja melnydja bamba'‐bambaythinana.
19 Ga Yelatjiyayunydja withiyara walalanha marrtjina, ga waŋana bitjarra, “Wäy wiripuŋura dhuwala nhuma dhukarrŋuranydja. Ŋarra nhumalanha gäma yurru bala ŋunhamalayi wäŋalili, wanhaka yukurra ŋunhiyi ḏarramu nhina. Go marrtjiya malthurra ŋarraku walala.” Bala ŋayi waṉakulaŋalanydja walalanha, mel‐warryurrunanydja bala Djamariyalilina, bathalalilina ŋunhana wäŋalili dhika, ḻoḻu ŋutu'na dhika bäymana. 20 Ŋayi gäŋalanydja walalanha, ga djuḏupmaraŋala ŋilitjarana ŋunhimalayi ṉapuŋga'lilina yana. Bala Yelatjiya bukumirriyaŋala, “Garray ḻapmaraŋa maŋutji walalanha, walala yurru nhämana.” Dhunupa nhäŋalana dhika walala biyapul; walala nhäŋala ŋunhi walalanydja ŋunhina djinawa'na bäymana ŋunhiliminayi ḻoḻuŋurana, ṉapuŋga'na wal'ŋu.
21 Ga ŋunhi giŋ Yitjuralpuyŋunydja waŋana Yelatjiyawala bitjarra, “Nhaltjan dhuwala ŋarra yurru yulŋunydja? Bumana ŋarra walalanha yurru Djiriyawuyŋunhanydja?”
22 Ga ŋayi Yelatjiyanydja waŋana, “Yä‐ä‐äw, yaka. Yaka baymatthurra walalanha, yana wekaŋa walalaŋgu ŋula nhä ḻukanharawu ga wurkthunarawu, bala djuy'yurra wäŋalilina walalanha.” 23 Bala ŋayi gurrunharana dhika ŋathana walalaŋgu ŋuriŋi giŋdhunydja, ga ŋunhi walala ḻukananydja dhawar'yurrunanydja, bala djuy'yurruna yänana walalanha. Ŋuliŋurunydja dhäŋuru Djiriyawuynydja miriŋu yakana biyapulnydja roŋiyina bala Yitjurallili; märr‐weyin walala yukurrana nhinana marimiriwnydja, yänana yukurrana nhinana walala ŋamathaŋalana.
Godthu dhawaṯmaraŋala walŋakuŋala nhanŋuway ŋayi yolŋu'‐yulŋunha ŋulaŋuru Djiriyawala
6:24—7:20 (God saved his people from the Syrians)
24 Ŋuliŋurunydja bala ŋurukuy ‡ SyriaDjiriyawuynha giŋ marrtjina bunharaminyarawuna yukurranharawu ŋuriki § IsraelYitjuralpuyŋuwuna, yurru biyapulnha guḻku'na miriŋunhanydja ŋayi gäŋala dhika; walala marrtjina nhinananydja wäŋaraŋalanydja ḻiw'maraŋalana ŋunhi wäŋa * SamariaDjamariyawuynydja, ḻiw'maraŋala, ḻiw‐ḏap nhinananydja walala, dhumbal'maraŋala walalanha, märr yurru yakana yolŋu'‐yulŋu dhawaṯthun ŋulaŋuru ŋathawunydja. 25 Galkina ŋathanydja marrtjina dhawar'yurrunana ŋunhili wäŋaŋura bala'‐mäypamirriŋuranydja, ga yolŋunydja walala ŋunhalaŋumi mirithinana dhika marrya'thina; yakana ŋula ŋatha ŋorrana yukurrana ŋunhili wäŋaŋura, bala yolŋuyunydja walalay ḻukanha ŋuli yukurranha man'tjarrnha ga ŋula nhäna.
26-29 Waŋganymirriyunydja waluyu waŋgany dhäyka waŋana bitjarrana, “Gul' ŋilimurru ḻuka dhuwala yumurrku'nhana ŋilimurruŋguway, märr ŋilimurru yakaŋga murrmurryundja.” 30-31 Ŋayi giŋdhunydja ŋäkula ŋurikiy, bala wirrkina ŋayi dhika galŋa‐yätjthinanydja, ga waŋananydja ŋayi bitjarrana, “Dhuwalanydja dhuwala ŋurukuŋu † 6:30–31 ElishaYelatjiyawuŋu ya' ŋurru‐nherraṉara. Ŋarranydja yurru dhuwala bumana ŋanya rakunyguna.” 32-33 Bala ŋayi dhäwu'mirrinhana djuy'yurruna märranharawuna nhanŋu Yelatjiyawu.