1 Ga Garraynydja waŋana * SamuelDjamiyulnha bitjarra, “Nhäku dhuwala nhe yukurra galŋa‐yätjthirri weyingumanydja ŋuruku † SaulDjolwunydja gay'? Ŋarrapi ŋunhi ŋanya ḏupthurruna, yakana ŋayi yurru biyapulnydja dharray yukurra ŋarrakalaŋuwu miṯtjiwu ‡ IsraelYitjuralpuyŋuwu. Gaŋgathiyana go, ga märraŋa weyikany'tja, bala yana marrtjiya ŋunha § BethlehemBithiliyimlilina. Ga nhäŋa nhe marrtjiya ḻarruŋa yurru ḏarramuwu yäkuwu * JesseDjitjiwu, liŋgu ŋarra djarr'yurruna liŋguna waŋgany ŋunhiyi Djitjiwu walkurnha, ŋunhayina ŋayina yurru dharraynydja yukurra ŋarrakalaŋuwu malawunydja.”

2 Ga Djamiyulnydja waŋana bitjarra, “Ŋuli ŋarranha Djolyu yurru ŋämanydja, ŋayinydja yurru ŋarranha bumana ŋiniya?”

Ga ŋayi Garrayyunydja ḻakaraŋala Djamiyulwu bitjarra, “Märraŋa yothu'nha buliki'nha, ga gäŋa marrtjiya bala, märr nhe yurru bathan mundhurr Garraywu wekama. 3 Ga garr'yurrayi Djitjinhanydja ŋunhimalayi, nhuma yurru bathan, ga ŋunhilina ŋarra nhuŋu yurru ḻakaramanydja nhaltjanarawu. Nhenydja yurru ŋämiṉna ŋunhiyi ḏarramunha ŋunhi ŋarra yurru ḻakaramanydja nhuŋu.”

4-5 Bala yana Djamiyulnydja djar'tjaryurrunana bala Bithiliyimlilina, ga ŋunhalana ŋayi ŋäthilimirriyaŋala ŋurikiyi bathanarawunydja. Ŋayi dhäruknha djuy'yurruna garr'yunarawu Djitjiwunydja, ga dhäruktja ŋayi waŋana bitjarra gam', “Nhepi ga nhuŋu gäthu'mirriŋu ḏarrtjalkkunhamiyanydja walala ŋäthili yana, ga yurruna marrtjiyanydja lili, ŋilimurru yurru bathan mundhurr Garraywu wekama.”

6 Yuwalkthi Djitjinydja ga nhanŋu gäthu'mirriŋunydja walala marrtjinana lili. Ŋayi Djamiyulyu nhäŋala Djitjiwu ŋunhi ŋurruŋunha malamarrnha gäthu'mirriŋunha † EliabYiliyapnha yäkunha, ŋayi yukurrana dhärrana ŋanya dhika waḻarrnha bäyma, ga ŋanyana ḻatju'na rumbal dhika, ga ŋayi Djamiyulyunydja guyaŋina bitjarrana, “Dhuwalanhaŋga mak Garrayyu djarr'yurruna yiŋarra'yurrunanydja.”

7 Ga ŋayi Garrayyunydja ŋanya waŋana Djamiyulnha bitjarra, “Yaka yana nhäŋa rumbal ga djaka'. Yaka dhuwala ŋunhiyi ŋarra djarr'yurruna. Yolŋuyunydja ŋuli nhäma rumbal yana warraŋul, yurru ŋarrapinydja ŋuli nhäma djinawa'na ŋayaŋuna wal'ŋu ŋunhana.” Ga bitjarrayi ŋayi Godthunydja ḻakaraŋala. 8-10 Bala yana Djitjiyu gäŋa'‐gaŋala ŋunhi gäthu'mirriŋunhanydja walalanha lili nhanukala ŋurikala Djamiyulwala waŋga'‐waŋganynha. Ga ŋunhiyi walalanha waŋga'‐waŋganynha Djamiyulyu nhäŋalanydja, bala waŋana “Yaka dhuwalayi,” bitjarra. Ga Djamiyulyunydja waŋana ḻakaraŋala bitjarra, “Godthunydja ḻakaraŋala yaka, yaka ŋayi djarr'yurruna waŋganynha ŋula dhipuŋuruyi.” 11 Bala ŋayi waŋana dhä‐wirrka'yurruna bitjarra, “Biyapul muka nhuŋu be gäthu'mirriŋu walala?”

Ga Djitjinydja buku‐ruŋiyinmaraŋala bitjarra, “Ŋunhayi waŋgany biyapul, yurru yutjuwaḻa'na wal'ŋu; ŋunhayi ŋayi djäka yukurra wäyingu walalaŋgu bembiwu.”

Ga Djamiyulnydja waŋana, “Garr'yurra ŋanya lili, ga ŋilimurrunydja galkunna nhanŋu. Yaka ŋäthili ŋilimurru yurru dhuwala bathan mundhurrnydja, ga gonha ŋayi yurru buna.” 12 Bala walala gundupuŋalana, ga garr'yurruna ŋanya ŋunhiyi yutjuwaḻa'nha gurrmulnha yäkunha ‡ DavidDaypitnha yurru buyuwuyu'na ŋunhiyi dhika, ga ḻatju'na ŋanyana dhika rumbalnydja, ga melnydja dhika ga djalka'‐djalkarryunarana. Ga Garrayyunydja ḻakaraŋala dhunupayaŋala Djamiyulwunydja bitjarra, “Dhuwalana ŋarra djarr'yurrunanydja gay'. Gatju ŋämila ŋanya weyika'yuna. Dhuwalana gay' yukurra yurru dharray ŋarrakalaŋuwu miṯtjiwunydja Yitjuralpuyŋuwunydja.”

13 Bala dhunupana ŋayi Djamiyulyu guryunmaraŋalana weyika'na ḻiyalilina nhanukala. Ŋayinydja yukurrana dhärrana gumurrŋura ŋurikala wäwa'mirriŋuwala walalaŋgala nhanukalaŋuwala, ga dhunupa marrtjina Garrakuḻuknha Birrimbirr bunana, ga monyguŋala ŋayi Daypitnhana. Ga ŋuliŋuru bili ŋuriŋi Godkala Birrimbirryu djaw'yurrunana ŋanya märraŋalana, bala gäŋalana yukurrana Daypitnha. Ga ŋayi Djamiyulnydja marrtjina roŋiyinana balayi § RamahRämalilina.

14 Ga ŋulinyamirriyu liŋgu Garraywala Birrimbirryunydja gonha'yurrunana ŋanya * SaulDjolnha, bala yätjtja birrimbirr bunana nhanŋu, bala ḻiya‐bawa'yunmaraŋalana yukurrana ŋanya Djolnha, bala ŋayi ŋuli buku‐warwumirriyinyanydja yukurranha bitjanana liŋgu ŋuriŋi yätjthuna birrimbirryu. 15 Ga Djolwala djämamirriyunydja waŋana bitjarrana, ḻakaraŋala nhanŋu, “Dhuwalanydja yätjthu birrimbirryu yukurra nhuna galŋa‐yätjkuma. 16 Nhä warray ŋuli ŋilimurru ŋula maḻŋ'maraŋu ḏarramunha, ŋunhi ŋayi ŋuli barkparkthurru ḻatju'na dhika manikay nhuŋu ŋunhi ŋayi nhuna yukurra dhiyaŋiyi birrimbirryu yätjthu ŋayathama, bala ŋuriŋiyi manikayyunydja nhuna ŋuli galŋana‐ḻaymaraŋu, bala nhe yurru nhina yukurra ḻatju'kumana.”

17 Bala Djolyunydja djuy'yurrunana walalanha bitjarrana, “Gatjuy walala, marrtjiyana ga maḻŋ'maraŋa ŋunhiyinha ḏarramunha, ŋunhi ŋayi ŋuli manikay barkparkthun walaŋguma. Gäŋana lili ŋanya dhipala ŋarrakalana.” 18 Ga waŋganydhu ḏarramuyu djämamirriyu ḻakaraŋala bitjarra, “Ŋunha † BethlehemBithiliyim wäŋaŋura ŋunhi yolŋu ḏarramu yukurra nhina ‡ JesseDjitji yäku, ga nhanukalayŋuyu ŋuli gäthu'mirriŋuyu barkparkthundja dhika ḻatju'kumana manikaynydja. Ḻatju'na ŋunhiyinydja dhika beyaṉumiriwnha ḏarramu, ga ganydjarr‐ḏumurruna dhika, ga dhäruk ŋamakurru' waŋanharawu, liŋgu Garray nhanukala ŋurikalayi ḏarramuwala galki.”

19 Ga Djolyu dhäruknha djuy'yurruna Djitjiwu bitjarra, “Djuy'yurra lili nhuŋuway gäthu'mirriŋunha ŋarrakala, dhuwalayinha ŋunhi ya' ŋunhi ŋayi yukurra djäka ŋuli wäyingu walalaŋgu bembiwu.” 20-21 Ga yuwalkthi ŋayi § 16:20–21 DavidDaypittja marrtjinana lili Djolwala wäŋalilina, ga ŋayi Djolnydja wirrkina ḏukṯukthina nhanŋu Daypitku, ga waŋananydja ŋayi bitjarrana, “Dhiyaŋunydja gurrmulyu yurru djäma dhiyalana galki ŋarrakalana, ŋayi yurru gäma garanydja ŋarraku, ŋunhi ŋarra boŋguŋu marrtji marililinydja.”

22 Bala yana Daypit nhinanana yukurrana ŋunhalanydja Djolwalana wäŋaŋura, 23 ga ŋunhi ŋayi ŋuli yätjtja birrimbirr marrtjinya lili ḻiya‐bawa'yunmaranharawu Djolwunydja, bala ŋayinydja ŋuli Daypitthunydja barkparkthunana manikaynha miyamana ŋuli djuwu'na nhanŋu Djolwu, bala ŋuli ŋuriŋi yätjthunydja birrimbirryu gonha'yunana yana ŋanya Djolnha, bala ŋayi ŋuli ŋamathinyayi.