1-2 Ŋuliŋuru dhurrwaraŋuru * 13:1–2 SaulDjolyu yurrum'maraŋala ŋunhiyi nhanŋuway malanha miriŋunha ŋurukuna‐wala nyäṉ'thunarawuna ga bunharawu ŋuruku Bilitjiyawuyŋuwuna. 3 Ga nhanŋuway Djolwu gäthu'mirriŋu † JonathanDjonathan yäku marrtjina bala nhinanana, bala bumara buŋgawanha warray ŋurruŋunhana wal'ŋu ŋuriki miriŋuwu. 4-5 Ga walalanydja ŋunhi ‡ 13:4–5 PhilistiaBilitjiyawuyŋunydja yolŋu walala miriŋu wirrkina dhika ŋaramurryinyamina, bala walala biyapulnha ŋunha mala‐märranhamina, märr yurru walala marrtjina ga dhawar'maramana buma ŋunhi § 13:4–5 IsraelYitjuralpuyŋunhanydja. 6-7 Ga walalanydja ŋunhala Yitjuralpuyŋunydja wirrkina barrarina; wiripu‐guḻkuny'tja gundupuŋala bena‐wala winya'‐winyayurruna djuḻu'‐djuḻuḻyurruna ŋunha bala mathi'‐mathirrakurruna ga wiripu‐guḻkuny'tja balayi roŋiyina gundupuŋala wäŋalili.

8 Djolnydja ŋayipinydja ga ŋunhala bäyma yana * GilgalGilkal wäŋaŋura, galkurruna ŋayi yukurrana † SamuelDjamiyulwu, bili Djamiyulyu waŋana nhanŋu dhä‐ŋäthiliŋga ḻakaraŋala bitjarra waŋana gam'. “Galkurra ŋunhili ŋarraku Gilkal. Ŋarra yurru marrtji bala, ga wekama ŋarra yurru mundhurr bathan wäyin Garraywu, ga yurruna nhe yurru marrtji balanydja marililinydja.” Yuwalkthi walalanydja galkurruna yukurrana‐a‐a 7 walu ŋupara, ga yakana bunana Djamiyulnydja, ga yolŋunydja walala ŋunhi beyaṉiyinana. 9 Bala yana ŋayi Djolnydja waŋanana, “Go, gäŋana lili wäyindja ŋarrakalana, ŋarrapina yurru bathan wekama mundhurr Garraywunydja.” Yo, ŋunhiyinydjayi mundhurrwunydja bathanarawu ganaŋ'thunarana wal'ŋu, walalawuynha yanana ŋuriŋina walalay ḏalkarra'mirriyuna walalay yukurranha ŋuli bathana, yakana wiripuŋuyunydja ŋula yolthunydja. Yurru ŋayinydja marrtjina Djolyunydja wutthurruna ŋunhi wäyinnhanydja bala yana marrtjina batharana dhunupana. 10 Ga ŋunhi ŋayi dhawar'yurrunanydja ŋuliŋuru bathanaraŋuru mundhurrŋuru, bala ŋayinydja marrtjina Djamiyulnydja bunanana ŋulinyaramirriyu. 11 Ga dhunupa ŋayi Djamiyulnydja waŋana dhä‐wirrka'yurrunana, “Nhaltjarra nhe dhuwala yulŋunydja?” Ga ŋayi Djolnydja buku‐wakmaraŋala waŋana bitjarra, “Yolŋunydja walala dhuwala wirrkina beyaṉiyina, bala walala gundupuŋalana gonha'yurrunana ŋarranha. Nhe waŋana nhe bini bunanhaŋga, yurru nhe yakana bunananydja. 12 Yurru ŋarrapinydja guyaŋina, walala galki bini Bilitjiyawuyŋunydja bunanhana, ga yakaŋga yana ŋarra ŋula nhä djämanydja, märr ŋanapurrunha bini Garrayyu guŋga'yuna. Ga bitjarra ŋarrapinydja guyaŋina, bala yana ŋarrapina mundhurrnydja wekaŋala bathara Garraywu.”

13 Ga Djamiyulnydja buku‐ruŋiyinmaraŋala waŋana bitjarra, “Nhäku nhe Garraynhanydja bitjarra dhäruk ŋurrkaŋala? Ŋunhi bini nhe märranha Garraywu dhäruk yana, nhuma bini Yitjuralnydja wäŋa ŋayathanhana yukurranha bitjanana liŋgu gupaḏalnha‐wala, nhe ga nhokala ŋunhi mala‐wunharayu. 14 Yurru nhenydja dhuwala ŋurrkaŋala warray nhanŋu dhäruk; yakana nhe yurru weyin nhina ŋurruŋu Godkalaŋuwu malawu. Godthunydja yurru maḻŋ'marama wiripunhana yolŋunha, ŋayi yurru ŋunhinhanayi ḏarramunha yolŋunha nherraṉ nhokalanydja dharapullili; ŋayina yurru ŋunhiyina ŋamakurruny'tja wal'ŋu yolŋu, yukurra nhina ŋurruŋu dhiyaku malawunydja ḏälkunharawu, ŋunhi ŋayi yurru yuwalkkuma wal'ŋu märrama dhäruk Godnha.”

15-23 Bala yana ŋayi Djamiyulyu gonha'yurrunana ŋunhi Gilkalnydja wäŋa, bala marrtjinana. Ga Djolyu bothurruna marrtjina nhanŋuway ŋunhi miriŋunhana walalanha, ga miṯtjinydja ŋayi ŋunhi bothurru märr‐ḻurrkun' 600‐nha miṯtji. Ga walala wäŋaraŋalanydja ŋunhala galki ‡ 13:15–23 GibeahGipiyana, yurru bäyŋuna walalaŋgu ŋula gayit, yiki, ŋula nhä gara mariwunydja, liŋgu Bilitjiyawuyŋuyu ŋuli yukurranha ḏaḏawmaranha walalanha ŋamaŋamayunaraŋuru garaŋuru, maṉḏapina gäŋala maṉḏakuwaynha Djolwuna ga nhanukalaŋuwu gäthu'mirriŋuwu garanydja malanha, ga walala wiripu‐guḻkuny'tja miṯtji miriŋu ga goŋ‐wayŋumirrina, dhäparkmirrina garamiriwnha.