1  * DavidDaypittja marŋgina ŋunhi ŋayi yurru galki rakunydhirrina, bala ŋayi wäthurruna nhanukalaŋuwu gäthu'mirriŋuwu † SolomonDjalamangu, ŋayi yurru wekama dhäruk nhanŋu dhä‐ḏaw'yunna yukurra, bitjarrana ŋayi waŋananydja gam'. 2 “Walunydja dhuwala marrtji galkithirrina ŋarraku rakunydhinyarawuna. Dhärriyanydja nhe wuṉḏaŋarryiya yana. 3 Dhäruktja dhuḏakthurra ŋanyapinyay yana Garraynha, ŋunhi ŋayi yurru nhaltjan nhuŋu ḻakarama. Ŋunhi rom malanha ŋayi gathara ‡ MosesMawtjitjkala ŋunhana wukirriwuynha liŋguwuynha. Ŋayathaŋa ŋunhiyi rom malanha yulŋunydja, märr yurru Godtja yukurra djäka yana nhuŋu walaŋguma, gäma marrtji bala ḻatju'kuma yana. 4 Ŋuli nhe yurru malthun yukurra nhanŋuway Garraywunydja dhärukku, ŋayinydja yurru nhuŋu wekama ŋunhi malanha ŋunhi ŋayi ŋarrakala dhäwu'‐nherrara. Ŋayi ḻakaraŋalanydja ŋarraku bitjarra, ‘Ŋuli yurru nhokuŋu miṯtji‐bunharanydja gurrum'tja marrtji bala malthun ŋurikiyi romgu malaŋuwu, ga yuwalkkuma gal'ŋu märrama walalaŋgalay märryu, walala yurru dhärra yukurra ŋurruŋu yana § IsraelYitjuralpuyŋuwu, bitjan liŋgu yurru.’ ” Bitjarrayina ŋayi yukurrana Daypit dhäruk‐nherraṉminanydja nhanukalaŋuwala gäthu'mirriŋuwala Djalamangalanydja.

10 Ga ŋuliŋuruyinydja dhäŋuru ŋayi Daypit rakunydhinana, ga walalanydja ŋanya dholkuŋalanydja ŋunha bäyma * JerusalemDjurutjalamlili, ŋunhimalayina nhanukiyingala wäŋalili munatha'lili.

11 Yo, Daypittja yukurrana nhinana giŋ Yitjuralpuyŋuwu beŋga yana baman', 40 dhuŋgarranydja ŋupara, ga goŋ‐nherraṉminanydja ŋayi yukurrana yolŋu'‐yulŋuwunydja ŋuriki malawunydja walaŋguŋalana dhikana ḻatju'kuŋalana. 12 Ŋuliŋurunydja dhäŋuru bala ŋayi Djalamandja giŋnha ḏumurru'ŋuna wal'ŋu ŋayi nhanukalana, märraŋala dharapul ŋayina.