1-2 Ga ŋuliŋurunydja dhurrwaraŋuru ŋunhi ŋayi * 9:1–2 King SolomonGiŋ Djalaman dhawar'yurrunana dhuḻ'yunaraŋuru Buṉbuŋuru, Garray maḻŋ'maranhamina biyapul ŋanyapinyay ŋayi nhanukala, ga waŋana bitjarrana, 3 “Ŋarra liŋgu ŋäkula nhuna bukumirriyanharanydja. Dhiyaku gay' Buṉbuwu ŋarrapi yurru djäka yukurra nhäma dhuwalayi bitjan liŋgu, liŋgu dhuwalanydja ŋunhi nhe dhuḻ'yurruna ŋarrakuway dhulŋuŋu, märr yurru dhiyala gay' nhuma yukurra yurru buku‐ŋal'yun ŋarrakuway yana yäkuwu gupaḏalnha‐wala. 4 Ŋuli nhuma yurru yuwalkkuma wal'ŋu djäma ŋarrakuway, ga malthun yurru ŋarrakuway romgu malanyŋuwu, ga nhina wal'ŋu ŋamathama‐wala, bitjarra ŋarra nhumalaŋgu ŋäthili ḻakaraŋala, 5 ga yurruna ŋarranydja yurru nhumalanha gäma, ga djäka nhumalaŋgu marrtji bala, ga waŋganydhu yurru nhokuŋu walkur‐ŋurrkanharayu gämanydja marrtji, ga dhärranydja yukurra yurru ŋurruŋu † IsraelYitjuralpuyŋuwunydja bitjanna liŋguna yurru, bitjarra ŋarra dhawu' nherrara nhuŋu bäpa‐ŋalinha ‡ DavidDaypitnha.

6 “Ga ŋuli nhepi ga nhuŋu mala yurru ḏaḏawyun warray malthunaraŋuru ŋarrakala, ŋunhi walala yurru yakana ŋayathama ŋarrakuway rom malanha; ŋuli walala yurru ganan ŋarranhanydja ga wiripuŋuwunydja märr‐ŋal'yun waŋarrwu, 7 ŋunhiyinydja bitjan ŋarranydja yurru yakana djäka walalaŋgu nhokalaŋunydja malawu. Miriŋuna yurru marrtji, ga märrama dhuwala wäŋa, ga djaw'‐djawyunna walalanha yurru dhuwala yolŋu'‐yulŋunhanydja dhipuŋurunydja wäŋaŋuru. Ŋarranydja yurru gananna dhuwalanydja Buṉbu gay', ga bukmaktja yurru yolŋu'‐yulŋu gitkitthunmirrina dhiyaku Yitjuralpuyŋuwunydja. 8 Dhuwalanydja gay' ḻatjuny'tja Buṉbu yurru ḏaw'‐ḏawnha yukurra dhärra, muṉguythirrina ḏaw'‐ḏawyunna yurru, ga walala yurru yolŋu'‐yulŋuyunydja nhäma, ga waŋa bitjanna, ‘Nhäku warray Garrayyu gonha'yurruna dhuwala wäŋa ga Buṉbu?’ 9 Ga yolŋunydja walala yurru waŋa buku‐ruŋinyamarama bitjanna, ‘Liŋgu yolŋuyu walalay gonha'yurruna ŋanya walalaŋguway Waŋarrnha Godnha; walala gonha'yurruna ŋanya, bala yana wiripuŋuwuna buku‐ŋal'yurruna waŋarrwu walalaŋgu, ga yurruna Garrayyunydja gonha'yurruna walalanhanydja, ga dhuwalana gay' marinydja yukurra marrtjina walalaŋgu.’ ” Ga bitjarra yukurrana Garrayyu ḻakaraŋala Djalamangu, märr yurru nhanŋunydja yolŋu'‐yulŋu mala yuwalkkuma wal'ŋu yana malthun nhanŋu Godkunydja.