5
Ndzaanə agi camənə
1 Makə ɗii ci mooɗə manjeevənə ŋga Əntaŋfə nuunə, tyasə see a ndzaa unə makə naakii. 5.1 Mat. 5.48; 1 Yooh. 3.1. 2 Ndzaamə agi uuɗənə makə sətə uu'i Aləmasiihu taamə, vigi ci nəkii ka Əntaŋfə ka putə gaamə. Kə ndzaa ci makə sataka da ŋunyi mədədəranə. Satakakii əsə uuɗagi səkə ŋga Əntaŋfə. * 5.2 3.17-18; 4.2,15-16; 1 Koor. 8.1; 2 Koor. 5.14; Gal. 6.10; Fil. 2.2; Kwal. 2.2; 3.14-15; sataka: Gal. 1.4; Ibər. 10.5-10.
3 Makə ɗii ci ənji ŋga Əntaŋfə nuunə, pooshi diɓə aaləhiinə taa ŋgutə tsarə ŋga ajijinəənə taa sərəhə uushi ŋga əndə a shigi ahadoonə. 5.3-5 Gal. 5.19-21. 5.3 Kwal. 3.5. 4 Goona waɓə sə ŋga ayinə. Pooshi diɓə məza waɓənə taa ɗa ɓuurənə də aləhiinə a shigi da moonə. Ma dəɓee, kuyiriimə tə Əntaŋfə. 5.4 4.29; Kwal. 3.8. 5 Shiimə oo'i, ma ma'aləhiinə, taa ənji ɗa ajijinəənə, taa ənji sərəhə uushi ŋga ənja, pooshi tii ka upaa ha ŋga ndzaanə agi ŋwaŋuunə ŋga Aləmasiihu da ŋga Əntaŋfə. Acii ma sətə ci əndə a sərəhə agyanəkii, kə ndzaa səkii ka uuləmaakii ətsa. 5.5 Rooma 5.17.
6 Ga taa wu a kavə tuunə ka luuvə jirakənə. Putə ŋga uushi'iitsə ha'ə nə maɓətəsəkə ŋga Əntaŋfwa a kulya aagyanə ənjitə pooshi ka fanə tə ci. 5.6 Rooma 1.18; Af. 2.3; Kwal. 2.4,8; 3.6. 7 Acii ha'ə, ga taa mi a ləɓə duunə da tsarə ŋga ənjitsa. 8 Ma ŋga ŋukə, agi təkunə shuuna nji. Amma ma ŋga əna, makə kə ndzaa unə ka ənji ŋga Slandana, agi camənə nuunə. Acii ha'ə, tyasə see a ndzaa unə ka ənji ŋga camənə. † 5.8 ŋga ŋukə: 2.3,11-12; 4.17-18,22; Kwal. 3.7; Tit. 3.3; agi camənə: Yooh. 8.12; Kwal. 1.13; 1 Piita 2.9. 9 Acii camənə ca poo taa ŋgutə tsarə ŋga dagwa uushi. Ci ca poo ɗa uushi də rəgwakii, da gooŋgaanə əsə. 5.9 Gal. 5.22-23. 10 Ɗamə gazhi'waanə ŋga shii sətə ca uuɗagi səkə ŋga Əntaŋfə. 5.10 Rooma 12.2; 1 Tees. 5.22. 11 Ga taa mi a kavə tuunə ka ɗa sətə pooshi ka tsakənə tə ənja, waatoo, uushi'inə ŋga təkunə. Amma ma ɗanuuna, ŋgiragimə səkii paŋgəraŋə ka camənə. 12 Ayi-ayi maa ka shaŋə nə dazə uushi'iitsə ci təya ɗaaɗa ma'umbeekii. 13 Maɗa kə ŋgiragi ənji patənə ŋga uushi'iitsə ka camənə, ka neenə nə ənji ka uushi'inəkii paŋgəraŋə. 5.13 Yooh. 3.20-21. 14 Acii ɓərənə ca ɓaarəgi taa mi patə paŋgəraŋə. Ci ɗii bii ənji oo'i, 5.14 Isaa. 26.19; 60.1; Rooma 13.11; Yak. 5.8.
“Matsəfə ŋunyinə, vəɗəhu,
maɗətə ka ha ŋga wa,
kaa Aləmasiihu a ɓərə aashiku.”
15 Acii ha'ə, ŋgərətəmə haŋkala. Goona ndzaanə makə maɗiikə ənja, amma ndzaamə ka mafyarə ənja. 16 Taa ŋgutə saa'i patə, slənəgimə ka ŋunyi rəgwa, acii ma zamanana, bwayakii. 5.16 Kwal. 4.5. 17 Goona ndzaanə makə ŋga ənjitə yadə faryanə, amma ɗamə gazhi'waanə ŋga paaratəgi də sətə ci Slandanə a moo una ɗa. 5.17 1.17; Rooma 12.2.
18 Goona kagi nuunə ka sa ənvwə. Ma ətsa, ka bərapaanə nə ci tuunə. Amma ma ɗanuuna, wa Malaaɓa Ma'yanə a ndzaanə pasə a ədzəmuunə. 5.18 Waɓ. 23.31-35; Rooma 13.13. 19 Waɓəshimə ahadoonə də kaala wanyanə kama kama ka dəlanə də Slandana. Kamə wanyanə ka Slandana də dəlanə də ci a ədzəmuunə. 5.19-20 Jab. 33.2-3; Kwal. 3.16-17; Ibər. 13.15. 20 Kuyiriimə tə Əntaŋfə Dəsənaamə putə ŋga patənə ŋga uushi'inə. Kuyiriimə tə ci taa guci patə agi ləmə ŋga Slandanaamə Yeesu Aləmasiihu.
Waɓənə ka makinə da ŋguyirənə
21 Faməshimə ahadoonə putə ŋga ɗuunətənə goonə tə Slandana. 5.21–6.9 Kwal. 3.18–4.1; 1 Piita 2.18–3.7; 1 Tim. 2.1-13; Tit. 2.1-10; 1 Yooh. 2.12-17. 5.21 1 Piita 5.5.
22 Ma unə makina, baneemə ka nuunə akəŋwacii ŋguyirənə goonə makə sətə cuuna banee ka nuunə akəŋwacii Slandana. 5.22-24 Kwal. 3.18; Tit. 2.5; 1 Piita 3.1. 5.22 1 Koor. 14.34-35. 23 Acii ma ŋgura, ci nə əndə da baawəɗa agyanə minaakii, makə sətə ndzaa Aləmasiihu da baawəɗa agyanə Ikəliisiya. Aləmasiihu ci saakii nə Maluu ŋga Ikəliisiya, waatoo shishinəkii. 5.23 1.22; 1 Koor. 11.3. 24 Acii ha'ə, tyasə see a fa makinə tə ŋguyirənatii makə sətə ci Ikəliisiya a fa tə Aləmasiihu.
25 Unə ŋguyirənə əsa, uuɗəmə tə makinə goonə makə sətə uu'i Aləmasiihu tə Ikəliisiya, vigi ci əpinaakii ka putakii, 5.25-28 1.23; Kwal. 3.19; 1 Piita 3.7. 5.25 3.19. 26 ca kuɓəgi də ma'inə da də waɓənaakii, ca laaɓagi ka Əntaŋfə. ‡ 5.26 bapətisəma: Rooma 6.3-4; Tit. 3.5; Ibər. 10.22. 27 Ma ɗii ci ha'ə, kaa ca ŋgərə Ikəliisiya da məghərəvənatə patə makə maɗanə camə yadə sə ŋga idəpaanə ashitə, yadə baavə ashitə, pooshi bwaya uushi ashitə əsə. 5.27 1.4; 2 Koor. 11.2; Fil. 1.10; Kwal. 1.22. 28 Ha'ə nə ŋguyirənə əsə. Wa təya uuɗə makinatii makə sətə ci təya uuɗə shishinətii. Ma ŋgurətə ca uuɗə minaakii, naakii nə uu'i ci ətsa. 29 Pooshi əndə sha kaaree ka shishinəkii, amma ka viinə nə ci ka shishinəkii zəma, ca haɗagi, makə sətə ci Aləmasiihu a ɗa ka Ikəliisiya. 30 Acii ma amə, toonə naamə ahada ənji ŋga shishinəkii. 5.30 1.23; 1 Koor. 12.27. 31 Tə'i manaahəkii asəkə ləkaləkatə oo'i, 5.31 'Wat. 2.24.
“Putakii ha'ə, wa ŋgurə a bwasee ka dii da məci,
ca ləɓə tii da minaakii, təya ndzaa shishinə rəŋwə.”
32 Ma paaratəgi nyi, agi waɓəətsa tə'i waɓənə asəkə waɓənə davə. Waatoo, ma paaratəgi nyi, agyanə Aləmasiihu da Ikəliisiya cii kəya waɓə. 5.32 Səniinə 19.7. 33 Amma unə maa, da i koonə də waɓəətsa! Taa ŋgutə ŋgurə patə, tyasə see a uuɗə ci tə minaakii makə naakii na. Taa ŋgutə minə patə əsə, tyasə see a fa ki tə ŋgurii.
5:1 5.1 Mat. 5.48; 1 Yooh. 3.1.
*5:2 5.2 3.17-18; 4.2,15-16; 1 Koor. 8.1; 2 Koor. 5.14; Gal. 6.10; Fil. 2.2; Kwal. 2.2; 3.14-15; sataka: Gal. 1.4; Ibər. 10.5-10.
5:3 5.3-5 Gal. 5.19-21.
5:3 5.3 Kwal. 3.5.
5:4 5.4 4.29; Kwal. 3.8.
5:5 5.5 Rooma 5.17.
5:6 5.6 Rooma 1.18; Af. 2.3; Kwal. 2.4,8; 3.6.
†5:8 5.8 ŋga ŋukə: 2.3,11-12; 4.17-18,22; Kwal. 3.7; Tit. 3.3; agi camənə: Yooh. 8.12; Kwal. 1.13; 1 Piita 2.9.
5:9 5.9 Gal. 5.22-23.
5:10 5.10 Rooma 12.2; 1 Tees. 5.22.
5:13 5.13 Yooh. 3.20-21.
5:14 5.14 Isaa. 26.19; 60.1; Rooma 13.11; Yak. 5.8.
5:16 5.16 Kwal. 4.5.
5:17 5.17 1.17; Rooma 12.2.
5:18 5.18 Waɓ. 23.31-35; Rooma 13.13.
5:19 5.19-20 Jab. 33.2-3; Kwal. 3.16-17; Ibər. 13.15.
5:21 5.21–6.9 Kwal. 3.18–4.1; 1 Piita 2.18–3.7; 1 Tim. 2.1-13; Tit. 2.1-10; 1 Yooh. 2.12-17.
5:21 5.21 1 Piita 5.5.
5:22 5.22-24 Kwal. 3.18; Tit. 2.5; 1 Piita 3.1.
5:22 5.22 1 Koor. 14.34-35.
5:23 5.23 1.22; 1 Koor. 11.3.
5:25 5.25-28 1.23; Kwal. 3.19; 1 Piita 3.7.
5:25 5.25 3.19.
‡5:26 5.26 bapətisəma: Rooma 6.3-4; Tit. 3.5; Ibər. 10.22.
5:27 5.27 1.4; 2 Koor. 11.2; Fil. 1.10; Kwal. 1.22.
5:30 5.30 1.23; 1 Koor. 12.27.
5:31 5.31 'Wat. 2.24.
5:32 5.32 Səniinə 19.7.