1 Kot a aüetä an we telinimw won ewe chuk mi pin.

2 Ewe Samol mi Lapalap a aücheani Sion

lap seni ekewe leni meinisin lon Israel.

3 A eäni pworaus mi amwarar usum,

en telinimwen Kot.

4 Üpwe makei iten Isip me Papilon

lon tettelin ekewe mwü mi aleasochisiei,

pwal ekewe chon Filistia me Tirus me Itiopia

üpwe alearelong lein chokewe mi imweimw lon Jerusalem.

5 Nge usun Sion aramas repwe apasa

pwe chon ekewe mwü meinisin repwe nonom lon.

Iwe, Ewe mi Unusen Tekia epwe püsin anüküchara ewe telinimw.

6 Ewe Samol mi Lapalap epwe angei iteiten ekewe aramas,

epwe alearelong meinisin lon iteiten chon ewe telinimw Jerusalem.

7 Iwe, ekewe chon köl me chon pworuk ra apasa,

“Äm kewe puächen kolukun manau ra nonom lomw.”