Sauga yabo koina Amoni ali kin iboita kabo Deibida ana topaisowao esaliyao lalakiliwo iyawasali natuna koina na tem sikabi-yaliyaya-yan tamana ana boita kaiwena. Na siya Amoni Deibida ana topaisowao siyamwalimwalineli yo siyawasali silau.

Tomo Amoni sikataiyako Deibida siula-munamunaisosi kabo tokaleya tupwali dedei Alam (Siliya) yo yanuwa tupwaliyao tabe sikalailima silaoma sisaguili kaleya koina. Mwa Deibida Yowabi mekanakavao ana tokaleyayao meuloili iyawasali silau mekalikavao Amoni yo kali tosaguwo Alam sikaleya. Kaleyane koina Yowabi ikaiwe-gabaegili mwa Alam siyabubu. Imwawasi kabo Yowabi ipileyoi Yelusalema.

Kabo Alam ali tokaleyayao siyamiya-gogonagili. Kabo Deibida Isileli meuloili iyamiya-gogonagili silau kolili, na mekalikavao sikaleya kabo sikaiwe-gabaegili. Kabo Alam simatausi mwa nige Amoni sisasaguili yoi.