23
Diyosaiya ya Angwala haba Guyau ena Laugagayo ya Lau Watan
2 Kin 23:1-4
1 Habahim Diuda yo Yelusalem babadadi Kin Diyosaiya ya yoga gogondima 2 be ma afa haidana sa hasai Guyau ena Dubu Tabuna.
Tau hasai mate:
Diuda tataudi,
Yelusalem dodogadi,
tau antalasam yo peloweta
dodoga mahudoꞌidi, fafahesadi
yo fafahesa gesagesadi hinaga.
Yali Bukana sa lobahi amainiya, kin ya fatili nuwanuwadi yai.
3 Habahim Dubu Tabuna duhuna sadaina yai Kin Diyosaiya ya obiyo na yalina ya fawananaha bodai Guyau matana yai, be haba Guyau ya famuli watan yo ena laugagayo ya abi didin, yo yalina ma nuwa ofi fahina yo ma yaluwa ofi fahina ya ginauli fuyoi, be angwala libadi buka yai sa ulidi, ya fawananahadi.
Habahim dodoga mahudoꞌidi sa angwala, haba yalina nuwadi yai ya ota.
4 Kin Diyosaiya liba adiꞌadidilina ya tole:
tau antalasam edi baꞌisa Hilikaiya lisina yai,
yo tau antalasam hahaisa,
yo Yaubada ena Luma aba luhuluhu launa tau ita watanna lebedi yai, iyen,
Baꞌala, Aselaha yo kipwala galewa oitaudi, Luma Tabuna ganahewana yai bena ami kamfahidi.
Ya falibadi be ginaulidi sa angabuidi Yelusalem mulimulina yai, Kidilon gonna yai na afusadi sa lawen Beteli taonna.
Habahim Diyosaiya, Diuda mahudoꞌina ya laufi, be somo yai dodoga oitau edi aba fadebasaedi, ya faheyayadi na antalasam tau gabugabudi oitau te, enehedi, paisowana yai ya kamfahidi.
Kin salumadi Diyosaiya sa fafamuli watan, hige Guyau ti faꞌatitiyen. Heyaya sa ginauli lisina yai.