1 Ba he inton u bredi wa ana sa na, a ti whewhre, wa ba you ndi ngan u za. 2 Bi ninkon bi tu du Irji, baba bi han be, ba susun da tre nitu bawu Yesu, ni ki basi klu sissri ba ndji. 3 Ibrji a ri ni Yahuza Iskariyoti, iri ni mi mri koh ma tso. 4 Yahuda a hi ninkon bi toh ndu Irji, biwa ba yah ndji kpatsri, wawu ni vu Yesu no ba. 5 U ba ngyiri ni wu, nda no nklen 6 Wa kpa nyime, da wa nkon wa ani vu noba ni nton wa indji bana he na. 7 Ivi u gah u za, naki ba ti gan u hay ikru wu ton yin. 8 Yesu a ton Bitrus mba Yohana, da tre, Hi ndi mla bubu biri u ton yin, du ta ri. 9 Ba mye, ni nsten wu son ki hi mla bubu ati? 10 A ka sah ni bawu, inde bi ri nimi gbu'a, bi tsra nio ndji a nji iriman. Hu hi ri nimi koh wa ani ri. 11 Hla ni ndji u koh, ndi mala, tre mikoh bi tsri he ni ntsen, wa mi ribi ri ni mri koh mu? 12 Ani tsro yi kikle ko u koshu, wa ba mla ti ye bika mla ti ni mun. 13 U ba hi da toh ikpe a he naki. Baka mla bubu u tan bredi wa ana sa na. 14 Da inton ati wa ka sun ni mri koh ma. 15 Wa a hla ni bawu, mi you suron ndi mi tan bredi wa ana sa na ni yi, ri ni yah. 16 Naki mi hla yiwu, mi na la tan bredi ni yi na, se ba mla wu ti ni koh Irji. 17 Yesu ban gbaju'a da ngyiri nda tre kpa wayi, gaa ni kpambi. 18 Naki mi si hla yiwu mi na la so mma klo kunkro na, se koh Irji ye. 19 A ban bredi'a nda ngyiri, nda mere no ba nda tre wayi yi nma kpa mu, wa ba no don biyi, bita ti nayi ndi ta ri mre mu. 20 A ban gbaju'a ni kogon bredi, iwa yi a si sa tre'a, a yi mu wa ba kahle don biyi. 21 Bi ka mla yah indji wa ani vu noba, a he nime ni tu tebru. 22 Naki Ivren Ndji hi gbigbi na ba tre, Iyah ndi kima wa ani vu noba. 23 Baka lunde nda ni mye kpa mba, ahi nha ni mi mbu wa ani tie kpe mba. 24 Ba lu si sen nyu ni kpa mba, nitu ninkon u shu. 25 A hla ni bawu, bi tu chu baba ndji biwa bana toh Irji na, ba tsro gbengblen mba, bari ba he ni gbengblen nitu mba, ba you ba ndi bi mulki ni daraja. 26 Du na he naki ni yi na, naki du ndji wa a ninkonni yi du he na vivren tsitsa, indji wa a zan yi ka he na u tindu. 27 A hi nha a hi ninkon, wa a sun ni tebru, ko a wa a si tie ndu'a? Ana wa a sun nitu tebru na? Naki me na ndji u tie ndu ni mi mbi. 28 Naki biyi bi he ni mie ni mi tsra 29 Mi no yi mulki na wa Tie mu a ne. 30 Bi ri ndi so ni tebru u mulki, bi sun ni koh mu, ndi ta blatre ni lbe tso u Israila. 31 Siman, Siman, mla zren me tie, ibrji a wa inton wa ani yre u na alkama. 32 Naki ba si bre ni wu, du you suron me du na joku na, inde wu kma ye wu ka tre trre ndindi ma wa ani no mri vayi me gbengblen. 33 Bitrus a hla wu Bachi mi he ni mereu hu hi ni brusuna mba kyu. 34 Yesu ka sa ni wu ni hla wu Bitrus, kafi du gba tbu luwa nkpu tra u kpatron ndi wu na toh me na. 35 Yesu ka hla ni bawu, inton wa mi ton yi hama ni bu ko go ple, ko lagban zah, ibi ka wa kpie hama? U baka trre ndi a'a. 36 Ama zizan'a, i wa a he ni mbu ka ban ni igople. Ndji wa ana he ni inji ngban na, ka ban klon ma le nd le ri. 37 Naki mi hla yiwu, ikpie wa ba nha nitu mu ani he naki, ba bla you na bi la tre, ikpei wa ba tre ni tumu a he naki. 38 U ba tre, “Bachi, iyah, ngye inji ngban hari, wa a tre da tsra nu 39 Da ba ri la u yalu kle, Yesu a hi na ani tie chachuu hi ni ngbulu Zaitun, se mri koh ma ba hu. 40 Da baka kai niki, waka hla bawu, ta bre Irji don du yi ri ni mi lah tre na. 41 A kaba don da ch'bi, nda kukyu ngbarju nda bre, 42 Nda tre, Bachi, inde wu kpa nyime wu ka ban gbarju i rju ni mu. 43 Se Maleka ni shu ye niwu nda no gbengblen suron. 44 Ahe nimi iyah kpukpo me, a you ni bre, hra ikrji ma ni grji na gble yi. 45 A lunde ni bre ma, da ye ni mri koh, da ye toh ba basi kruna don ani lo ba suron. 46 Wa a mye ba a ngye sa bi si kruna? Lunde ndi bre du yina ri ni yah na. 47 A he ni mi tre, se ga gbugbu ndji ba ye baba Yahuda iri ni mi mri koh ma tso'a, nda ye whewhrre ni Yesu nda hlan vu. 48 Ni ki Yesu ka tre, Yahuda, wu ban Vren Ndji no ni hlan vu? 49 U biwa ba krju Yesu you ni tsutsu, ba toh ikpie wa si zren, nda tre, Bachi ki tsen ni inji ngba? 50 Iri ni mi mri koh ma a chu nji nda yba iton ninkon bi nha be u woh ko ri. 51 U Yesu ka tre, a tsra naki da taba iton nda wakar ni wu.” 52 Yesu tre ni tie ndu ni koh Irji, ni bi gben ni koh Irji baba chiche ndji ba, wa ba you ni koh shishi bi rju na bi ye vu ndji u ybi, ni ba nji ngban ni kpala? 53 Ni wa mi na he ni yi ni tra Irji, bina vu me na, zizan a nton mbi ni gbengblen u bu. 54 Ba vu nda nji nda hi, ba nji hi ni koh ba, u Bitrus ka ta hu ni gbugban mu. 55 Niki baka muh lu ni tsutsu ra, nda ku sun niki wawu mbawu, Bitrus a sun ni tsutsu mba. 56 Sei wa ri a toh a sun ni kpan lu'a, nda you shishi ni wu, nda tre ndji yi ba he mbawu.” 57 U Bitrus a kpa tron, nda tre iwa mi na toh na.” 58 Vi toh fi me yi, u ndji ri ka toh nda tre, wu mewu he ni mi mba. Bitrus tre ndi, “Ana me na.” 59 Intonri hi, i ndji ri a kama nda la tre, njanji ndji yi ahe ni wu, a vren Galili. 60 Bitrus a tre, ndi mi na toh kpie wa asi tre na, nda asi he ni mi tre u gbah lu tbi. 61 A kma u Bachi ka yah Bitrus. Se Bitrus ka ri mre ikpie wa Bachi tre'a, se a hla niwu, kafi du gbah du tbi luwa, u kpa tron nkpu tra ndi wu wu na toh me na. 62 Da Bitrus rju nda yi u'lo suron. 63 Se ndji bi wa ba troh baba Yesu ba ka zah wu da tsi me. 64 Da baka kawu shishi, nda mye hla tawu a nha wru'u? 65 Ba ka tre trre u nanye, ni meme tre ni Yesu. 66 Da imble kpan u chiche ndji baka ka bi baba bi toh ndu Irji, baba bi nha lbe se da nji'u hi ni bi tuchu, baba bi ninkon bari. 67 Da tre hla ni tawu a wuyi wu Almasihu'a” wa a hla ni bawu ko mi hla yiwu, bina kpanyime na, 68 Inde mi ye yi, bi na kasa ni muh na. 69 Aman ni ko shishi, Ivren Indji ni sun ni woh ko ri u gbengblen Irji. 70 Ba ka tre, u u” Vren Irji? Se Yesu ka kasa ni bawu ikpie wa bi tre a me yi. 71 Ba tre don ngye ki si wa shaida? Kita ni tu mbu ki woh ni nyu ma.”