1 Ni kle kima, Bachi a chu ndji tangba nda ton ba ni hi ha duba hi ni gbu ni gbu wa ndi wawu me ni hi niki. 2 Wa a hla ni bawu, ichan a gbugbu'u, in bi tie du'a ba fi me, bre Irji ndi dubi tie ndu'a ye. 3 Mi toh yi, hi na mri krju ni mi meme in'ma miji. 4 Na ban nbu nklen na, ko mbu nklonna, ko lagban zan na, na chi ndrjo ni nkon na. 5 Du ikoh wa bi ri'a, bika guci tre du si suron du he ni koh yi! 6 Idan ni koh yi, inde ndji “U sun si suron a he ni mi, si suron ka son ni nituma. Idan ana he si suron bi ka huye ye kpambi. 7 Bi son ni koh wa ba kpa yi, bi rie ndi so kpe wa ba no yi'a, don ndji wu titu ani kpa ya ma, Na hu ni koh ni koh na. 8 Du gbu wa bi ri, ide ba kpa yi, bi ri ndi sokpe wa ba no yi, 9 Be no bi lilo si. Di hla ni bawu ndi, ivi u ye Irji a tie whewhre. 10 Du gbu wa bi ri, u bana kpa yi na, bi ka rju hi ni nkon, 11 Di tre ko wru zah mbi, ki se sruni yuu. Bi ka toh ndi iye Irji tie whewhre. 12 Mi hla ni yiwu ni vi kima u ye, ani he ni ya ni gbu kima zan Sodom. 13 Iyame Korazin, iya me Betseida, da iri kikle du a ba tie ni Tyre mba Sidon, bana kpa Irji ni sen mu, da ta sru gbanjan nklon nda son nitoh lu. 14 Chachu bla tre ani bini Sidon mbaTyre. 15 U kapanawum, u ya ndi wu, u rhi ni shulu? ba nji grjiye yo ni Hades. 16 Indji wa awo yi, a wohme kena, indji wa a kama ni yi'a, a kama ni me wa mi ton yi. 17 Wlon nkpu tangba ba k'ma ye ni kinkla suron, nda ni tre Bachi, Ibrji me ba kujoku nitawu nimi nde me. 18 Yesu ka tre mi si ya Ibrji a joku rji ni shu na kpan. 19 Toh mi no yi gbengblen du yi chan iwan baba ilan, nitu bi gbengblen bi kra ta. 20 Na ngyiri ndi ibrji ba joku ni yiwu na, ngyiri ndi ba nha inde mbi ni shulu. 21 Ni nton kima'a a grji ni Ruhu ndindi, nda tre, Me zu inde me Timbu Bachi ni shu, ni u gbungblu, don u wru kpi bi hle ni bi wandi ba bu shishi nda to ndi, di tsro bi wa bana hla ni bawu na, na mri bi klekle, abi ni shishi tie mu. 22 Tie mu a vu kpi ba wawu sru mu niwoh, ba ndji wa a toh Vren'a, se Iti ma, ba ndji wa a toh Iti'a se Vren'a, wandi Ivren a kpanyime nda ni tsro Ti'a. 23 A kma hi ni mri koma ni ka grji ba, nda tre bi wa ba tie lulu yo ni bawu'a nda toh kpe wa bisi tie'a. 24 Bi tie ndu Irji baba bi chu gbugbu ba ndi ba toh kpe wa ndi bi si toh, “u” bana toh na. Ba ndi ba woh kpe wandi bisi woh, bana woh na. 25 Se mala ri u bla tre ni Yahudawa kaye tsra u, nda tre mala, me tie ngye miti mi ni kpa re u tuntrun? 27 Wa a kasa nda tre gbigbi wuka sun Bachi Irji ni suron me wawu, ni drime, ni gbengblen me wawuu, ni mre me wawu, wuka son indji u kutra ka hlan me na time. 28 Yesu ka hla inde wu tie naki, u tie njanji u wuna kyu na. 29 Mala ani sun si tuma cuwo nda tre Yesu, Ahi nha hi indji u ka hlan mu? 30 Wa a tre ndi a rji ni Wurushelima nda ni hi Yariko. Da ka ku ni wo bi y'bi, u ba kpa wawu kpie wa ndi a nji'a, nda tsi'u, wa tie whre u kyu baka don wu. 31 Se ga bi ton du Irji ye toh nda zuni kosan nda hi kpama. 32 Se ga balawi aye nda toh nda gon zu ni kosan nda hi kpama ngame. 33 Se ga Basamariye aye nda kukri nda ya indji'a a loh suron. 34 Aye nda ngla kpa niwu, nda gban nye niwu, nda loh kpa niwu, nda ban sa ni nhma ma, nda nji u ni bubu u kru. 35 U mble kpan no nkle, wandi bata ya indji wu lilo'a nda tre, to nklen'a a kleh, mi ye nowu mbru ma. 36 Ni mi ndji tra biyi, ahi nha hi ndji u kutra kalah ma? 37 Se mala ka tre indji wa tsro loh suron, I Yesu ka tre hi ndi tie naki. 38 Da ba si he nimi zren nda ye rini mi vi gburi, u wari bo yo'u ndi Mata a kpa'u ni koh ma ni woh ha. 39 Ahe ni vayi ma, bata yo'u ndi Maryamu, wa ndi a son ni zah Bachi nda si woh kpe wa ndi asi tre'a. 40 Mata si sron biri, “u” wawu Mata a ye ni Yesu nda tre Bachi wu na toh yada vayi mu a kame don misi tie ndu'a kanklen mu na? Hla niwu du ye zo me. 41 Bachi ka tre Mata, Mata wu yo kpi gbugbu'u ni ko shishi me, 42 ama kpe riri Maryamu a chu kpe ndindi ma, ba ndji'a wa ani sran wu kpa.