1 Dikiri sí kũnwo n warikɛgↄrↄa,

Yakubu Luda ↄ kúmma.

2 À n sura ba bona a kúkia,

à kpáńyĩ bona zaa Zaiↄ̃.

3 À n sa'ona sí pínki,

n sa'opↄ kũ òdi ká tɛ́n à tɛ́ kũnↄ dↄn.

4 À pↄ́ kũ n pↄ yei kpámma,

à tó ǹ pↄ́ kũ ntɛn pɛ́a le.

5 Óni ayuwii kɛ zĩ̀ kũ n blè yã musu,

óni tuta dↄ musu kũ ó Luda tↄ́o.

Dikiri wɛ́kɛ kũ n kɛ̀ sí pínki.

6 Má dↄ̃ sà kũ Dikiri dì kína kũ à à kà sura ba,

àdi yã sí kãao zaa a bɛ kũ à kú adona,

àdi tó à zĩ̀ ble kũ a gã̀sã gbãnao.

7 Gbɛ̃kenↄ dì sↄ̃gonↄ náani kɛ,

gbɛ̃kenↄ dì sↄ̃nↄ náani kɛ,

ókↄ̃nↄ sↄ̃, Dikiri ó Ludan odì náani kɛ.

8 Oni sata ò lɛ́tɛ,

ókↄ̃nↄ sↄ̃ ónigↄ̃ zɛna gíngin.

9 Dikiri, ǹ tó kína zĩ̀ ble.

Tó o n sisi, ǹ wewá.