17
Uisneno nakriraꞌ Usif Yesus In pinan ma krahan
(Naiꞌ Markus 9:2-13, Naiꞌ Lukas 9:28-36)
1 Ankoon neno nee on naan ate, Naiꞌ Yesus noꞌen naiꞌ Petrus, naiꞌ Yakobus ma in orif naiꞌ Yohanis he nsaen neun aꞌtoeꞌf es, he sin nmes-mesen nbin naan. 2 Antean aꞌtoꞌef naan in tunan, sin niit Naiꞌ Yesus naꞌbaniꞌ. In huumn ee npiin on reꞌ manas, ma In tais ein njarin mutiꞌ ma nariman. 3 Nok askeken on naan ate, sin niit Ee naꞌuab nok kaꞌo Musa ma kaꞌo Elia. 4 Onaim naiꞌ Petrus antakaꞌnanaꞌ, tar antea in naꞌuab tafiꞌ-tafiꞌ am nak, “Usiꞌ, hit tbi bare ia te, naꞌ reko nneis! Onaim reko te hai mihakeb maan ropo teun. Es neu Ko Usiꞌ, es neu kaꞌo Musa, ma es anteniꞌ neu kaꞌo Elia.”
5 Oras naiꞌ Petrus feꞌ naꞌuab on naan ate, nok askeken, noep ji nsaun neem ma nꞌaum naan sin. Onaim sin nsanmakan, oras sin nneen hanaf es anbi nope naan in nanan am nak, “Amneen! Naiꞌ Yesus reꞌ ia, Au Aan nekaꞌ. In nhariin Au nekak piut-piut. Amneen mirek-reokꞌ Ee!”✡ 2 Naiꞌ Petrus 1:17-18, Retaꞌ Ahun-hunut 22:2, Siit Pures-Boꞌis sin 2:7, Naiꞌ Yesaya 42:1, Naiꞌ Mateos 3:17, 12:18, Naiꞌ Markus 1:11, Naiꞌ Lukas 3:22, Surat reꞌ Naretaꞌ Nafaniꞌ Raan Aꞌhonis 18:15
6 Annenan on naan ate, atoup noinꞌ ein namtaun nmaten, tar antea sin nnoob ein. 7 Mes Naiꞌ Yesus neem ankaiꞌ sin im nak, “Amfeen nai. Kais mimtau!” 8 Rarit sin nait matak, mes sin ka niit antein fa sekau-sekau nbi bare naan. Suma Naiꞌ Yesus anmees jah.
9 Rarit sin nsanun nfanin naꞌkon aꞌtoꞌef naan. Onaim Naiꞌ Yesus antaar sin mates am nak, “Saaꞌ reꞌ hi miit ee feꞌe na, ka nabeiꞌ fa he mitoon ee meu sekau-sekau! Fin Au, Mansian Batuur-Batuur reꞌ ia, ro he ꞌmaet feꞌ. Rarit, karu Au ꞌmoni ꞌfain, naꞌ hi bisa mitoon ee.”
10 Onaim sin nataan Ee mnak, “Usiꞌ, Ho reꞌ ia ro Kristus, mes kaꞌo Elia es mee? Fin tunggur agaam ein nanoin ein am nak, kaꞌo Elia ro he neem feꞌ, henaꞌ Kristus neem. Mes natuin Ho te, on mee?”✡ Naiꞌ Meliaki 4:5
11 Naiꞌ Yesus nataah am nak, “Batuur. Kaꞌo Elia ro he neem feꞌ, he nfei ranan neu Kristus. 12 Mes amneen mirek-rekoꞌ! Kaꞌo Elia neem anrair, mes atoniꞌ ka nahiin je fa. Sin nasusab niis ne, natuin sin roimk ein. Sin of anmoeꞌ Kau, Mansian Batuur-Batuur reꞌ ia, on naan amsaꞌ.”✡ Naiꞌ Mateos 11:14
13 Annenan nrarin on naan ate, naꞌ sin nahinin am nak, kaꞌo Elia reꞌ Naiꞌ Yesus naꞌuab ee naan, es reꞌ naiꞌ Yohanis Asranit.
Usif Yesus narekoꞌ riꞌaan es, reꞌ anniut sae
(Naiꞌ Markus 9:14-29, Naiꞌ Lukas 9:37-43a)
14 Oras Naiꞌ Yesus sin ntebi nfanin, sin nateef too mfaun reꞌ anpao nain sin. Onaim aꞌnaef es neem anriꞌtuu ma ntoit turun-babat, 15 am nak, “Usiꞌ! Amkasian maan au aanh ee, tua! In namaunu ꞌbibi, ma anhaꞌmuiꞌ jon. Karu menas naan neem ate, in nmoufu ntaam neu oe aiꞌ ai je, tua. Amturun maan kau, tua! 16 Au ꞌeik je goen aꞌbi Ho atoup noinꞌ ein, mes sin ka bisa nareokꞌ ee fa, tua.”
17 Anneen on naan ate, Naiꞌ Yesus naskarak In atoup noinꞌ ein am nak, “Hae! Ro hi bainesiꞌ ki! Au unoniꞌ ki fani-fani, mes hi ka mihiin mirek-rekoꞌ fa. Hi ka mpirsai fa batuur-batuur amsaꞌ meu Kau! Au ro he ꞌsabaar ꞌeu ki ꞌtea mee? Meik riꞌanaꞌ naan neem meu ia!”
18 Sin neik riꞌanaꞌ naan, rarit In nriuꞌ napoit niut reꞌuf naan. Rarit niut reꞌuf naan anpoi nasaitan riꞌanaꞌ naan, onaim in nareok nain oras naan.
19 Rarit, oras Naiꞌ Yesus anmees nok In atoup noinꞌ ein on naan ate, sin nataan Ee mnak, “Usiꞌ! Nansaaꞌ am es feꞌe na hai ka bisa mriuꞌ mipoitan fa nitu naan?”
20 Naiꞌ Yesus nataah am nak, “Hi ka bisa mriuꞌ fa nitu naan, natuin hi ka mpirsai fa batuur-batuur ate. Mimnau! Karu hi mpirsai batuur-batuur meu Kau te, maski aanꞌ-anaꞌ msaꞌ,* Usif Yesus nataibaꞌ apirsait nok fua musiꞌ aanꞌ-anaꞌ es. Anbi reꞌ ia, fua musiꞌ naan in aꞌnaen es reꞌ pentiing, ka natuin fa in masan. Suur Akninuꞌ uab Indonesia anbi eraꞌ reꞌ ia, ntui mnak, ‘fuaf sesawi’, mes anmuꞌi ntein rasi bian anmatoom nok in oten aiꞌ aꞌmoufun. hi bisa miprenat maan aꞌtoeꞌf es am mak, ‘Hoe! ꞌToꞌef! Munaniꞌ meu nee!’ In of nananiꞌ. Onaim hi bisa mmoeꞌ saaꞌ-saaꞌ aah, asar ramu hi mpirsai batuur-batuur meu Uisneno.✡ Naiꞌ Mateos 21:21, Naiꞌ Markus 11:23, 1 Korintus 13:2 21 [Mes amneen! Niut reꞌuf human on reꞌ ia ro batuur sin maufinun bainesiꞌ. Karu hi ka mꞌonen ma minaah om fa, he mtoit turun-babat miꞌko Uisneno te, hi ka bisa fa he mriuꞌ nitu on reꞌ naan.”]† Tuis uab Yunani reꞌ reko nneis-neisi ma reꞌ manasik nneis-neisi, ka ntui fa eraꞌ boꞌ nua mmeseꞌ reꞌ ia.
Usif Yesus naꞌuab no nuan ii anmatoom nok In aꞌmaten
(Naiꞌ Markus 9:30-32, Naiꞌ Lukas 9:43b-45)
22 Neot es, Naiꞌ Yesus nok In atoup noinꞌ ein nabuan nbin propinsi Galilea. In natoon neu sin im nak, “Ka ꞌroo fa ntein ate, sin of naꞌsosaꞌ Kau neu biak ein. 23 Rarit sin naꞌmaet Kau, Mansian Batuur-Batuur reꞌ ia. Batuur Au ꞌmaet, mes nmeu on naan ate, Au ꞌmoni ꞌfain!”
Anneen In uaban on naan ate, In atoup noinꞌ ein sin neek ein ansusan nmaten.
Usif Yesus naꞌuab anmatoom nok beo neu uim onen
24 Oras Naiꞌ Yesus nok In atoup noinꞌ ein neman neun kuan Kapernaum, ahoik beo ngguin neman neu naiꞌ Petrus, ma nataan ee mnak, “Hi Tunggur goe anbaen Uim Onen Uuf in beo goe, aiꞌ kaah?”✡ Anpoin naꞌkon Pah Masir 30:13, 38:26
25 Onaim naiꞌ Petrus nataah am nak, “Anbaen, tua!”
Oras in nfain on naan ate, Naiꞌ Yesus natoon nahuun ne mnak, “Hae, Simon! Ho mutenab miit. Uisf ein pah-pinan ia naitin beo naꞌko sekau? Naꞌko sin aanh ein, aiꞌ naꞌko tuaf bian?”
26 Naiꞌ Petrus nataah am nak, “Naꞌko tuaf bian, tua.”
Naiꞌ Yesus naꞌuab anteniꞌ mnak, “Karu on naan ate, uisf ee in aanh ein kaisaꞌ nbaen ein beo, aiꞌ on mee? 27 On naan amsaꞌ nok Uim Onen Uuf in beo. Mes hit kais atmoeꞌ ahoik beo ngguin he natoꞌon. Reko nneis, ho mnao mtaun ikaꞌ meu nefo. Ho mtaun maan ika fua ahunut on naan ate, amfei in fefan. Ho of mupein roi mutiꞌ fua es anbi naan. Rarit ampaek roit naan, he mbaen hit nua kit, hit beo goe. Fin reꞌ naan nanookb een neu hit nua kit.”‡ Toon-toon ate, atoin mone Yahudis meseꞌ-meseꞌ sin reꞌ anmoin naan toon boꞌ nua neiki nsae, ro he nbaen ein beo he nfee turun-babat neu he nabarab Uim Onen Uuf (amrees Anpoin naꞌko Pah Masir 30:12-16). Oras Usif Yesus anmoni te, sin nsoiꞌ beo naan anpaken roi didrakma. Didrakma es, in oosn ii natai nok dinari nua. Dinari es, in oosn ii natai nok tukan es in kai anbi neon goes. Anbi ia, Naiꞌ Yesus natoon neu naiꞌ Petrus am nak, in of napein roi stater es anbi iik ee in fefan. Stater es in oosn ii natai nok didrakma nua, aiꞌ dinari haa. — he nanokab baen beo neu Naiꞌ Yesus ma naiꞌ Petrus.
✡17:5 2 Naiꞌ Petrus 1:17-18, Retaꞌ Ahun-hunut 22:2, Siit Pures-Boꞌis sin 2:7, Naiꞌ Yesaya 42:1, Naiꞌ Mateos 3:17, 12:18, Naiꞌ Markus 1:11, Naiꞌ Lukas 3:22, Surat reꞌ Naretaꞌ Nafaniꞌ Raan Aꞌhonis 18:15
✡17:10 Naiꞌ Meliaki 4:5
*17:20 Usif Yesus nataibaꞌ apirsait nok fua musiꞌ aanꞌ-anaꞌ es. Anbi reꞌ ia, fua musiꞌ naan in aꞌnaen es reꞌ pentiing, ka natuin fa in masan. Suur Akninuꞌ uab Indonesia anbi eraꞌ reꞌ ia, ntui mnak, ‘fuaf sesawi’, mes anmuꞌi ntein rasi bian anmatoom nok in oten aiꞌ aꞌmoufun.
✡17:20 Naiꞌ Mateos 21:21, Naiꞌ Markus 11:23, 1 Korintus 13:2
†17:21 Tuis uab Yunani reꞌ reko nneis-neisi ma reꞌ manasik nneis-neisi, ka ntui fa eraꞌ boꞌ nua mmeseꞌ reꞌ ia.
✡17:24 Anpoin naꞌkon Pah Masir 30:13, 38:26
‡17:27 Toon-toon ate, atoin mone Yahudis meseꞌ-meseꞌ sin reꞌ anmoin naan toon boꞌ nua neiki nsae, ro he nbaen ein beo he nfee turun-babat neu he nabarab Uim Onen Uuf (amrees Anpoin naꞌko Pah Masir 30:12-16). Oras Usif Yesus anmoni te, sin nsoiꞌ beo naan anpaken roi didrakma. Didrakma es, in oosn ii natai nok dinari nua. Dinari es, in oosn ii natai nok tukan es in kai anbi neon goes. Anbi ia, Naiꞌ Yesus natoon neu naiꞌ Petrus am nak, in of napein roi stater es anbi iik ee in fefan. Stater es in oosn ii natai nok didrakma nua, aiꞌ dinari haa. — he nanokab baen beo neu Naiꞌ Yesus ma naiꞌ Petrus.