6 Dakih, week wajuk takawa

nunú weme diisam unuimagta:

7 Weeka inauk atsawai,

tuja nunú dutikata tusa

tumainchakam atsawai,

8 nuniaig nii yuwatnujinak esattin

ajak juut jegamtai, juuka ijumui.

9 ¡Dakih, yamai kanaschaum jamah!

¿Wajupa asamea nantaktatme?

10 Ame kanú tepamin,

tuja kajim mantamkui pukuga eketmin,

tuja shiig kanagtasam

pagku pagkumasa tepamin,

11 waitut, kasajai betek pachiachbau iyanjama

shiig ujuuna awajtamsattawai.

16 Awai seisa imajin, tuja nuigtu

makichik, nujai ijumjamak sieteya imani

Tuke Pujuu shiig dakita nunú:

17 Emebau aidaun, waitjin aidaun,

aents utugchatji atsujunak main aidaun,

18 aents anentaimtaji pegkegchau aidaun,

pegkegchau takatan wakejus wekaetaun,

19 tikichin tsanumjin,

tuja waitjin, chichama tsanumjug

niina yachijaig maanimitkau aidaun

aatus Apajuík dakitawai.