1 Xuꞌana kꞌu chupa jun qꞌij, ri Pedro y ri Juan junam xebꞌek pa ri Rocho Dios che ri urox ora* “Ri urox ora”: Kil “hora” pa vocabulario. bꞌenaq qꞌij, ma e ora riꞌ re oración.

2 Ronoje qꞌij kꞌut kakꞌam lo jun achi ralaxibꞌem sik y kayaꞌ chwach ri Rocho Dios pa ri okibꞌal kabꞌiꞌx che “Lik Chom” chaꞌ kutzꞌonoj ulimoxna chike ri winaq kebꞌok bꞌi. 3 Ekꞌu rachi sik, echiriꞌ xeril ri Pedro y ri Juan e riꞌ kebꞌok bꞌi chupa ri Rocho Dios, xujeq kelaj chike chaꞌ kakiya kan ulimoxna.

4 Ekꞌu ri Pedro junam rukꞌ ri Juan lik xkichꞌikibꞌaꞌ ri kiwach puwi rachi, yey ri Pedro xubꞌiꞌij che:

—Chojtzuꞌu pe la —xcha che.

5 Ewi ri sik xebꞌutzuꞌu ma royeꞌem we kꞌo kakiya che.

6 Pero ri Pedro xubꞌiꞌij che:

—Na jinta saqil puaq wukꞌ y na jinta ne qꞌana puaq wukꞌ; noꞌj kꞌu ri kꞌo wukꞌ kanya cheꞌla. Chupa rubꞌiꞌ ri Qanimajawal Jesucristo ri aj Nazaret, yaktaj la y bꞌina la —xcha che.

7 Ekꞌu ri Pedro xuchap che ruqꞌabꞌ uwikiqꞌabꞌ, xuyako y chupa laꞌ la joqꞌotaj xkowir ri raqan y ruqul raqan. 8 Y rachi xchꞌoplin chikaj, xtakꞌiꞌik y xujeqo kabꞌinik. Junam kꞌut kukꞌ ri Pedro y ri Juan, xok bꞌi pa ri Rocho Dios, kabꞌinik, kachꞌoplanik y kuyak uqꞌij ri Dios.

9 Konoje kꞌu ri winaq re ri tinamit xkilo rachi kabꞌinik y lik kuyak uqꞌij ri Dios. 10 Y xketaꞌmaj e achi katzꞌuyiꞌik y kutzꞌonoj ulimoxna chwach ri Rocho Dios pa ri okibꞌal kabꞌiꞌx che “Lik Chom”. Lik kꞌu xkam kanimaꞌ che ri xꞌaniꞌ che rachi y na xkimaj ta kꞌana usukꞌ chaꞌtaj xkunutajik.

11 Rachi xkunutajik na karesaj ta chi ribꞌ chikij ri Pedro y ri Juan. Yey konoje ri winaq kaminaq kanimaꞌ che, xemok kaꞌn pa ri luwar kabꞌiꞌx che “Ruchiꞌ Ja re Salomón”.

12 Ekꞌuchiriꞌ xril waꞌ ri Pedro, xubꞌiꞌij chike ri tinamit:

«Achijabꞌ alaq aj Israel, ¿suꞌchak lik kaminaq animaꞌ alaq che wa xil alaq? ¿Yey suꞌchak e kojtzutzaꞌ alaq riꞌoj pachaꞌ oj ri xojbꞌinisan re waꞌchi rukꞌ ri qachuqꞌabꞌ o ruma lik oj jusukꞌ riꞌoj chwach ri Dios? Na e ta riꞌ. 13 Ma e ri Dios ke ri qamam ojertan, waꞌ e ri Abraham, ri Isaac y ri Jacob, ekꞌu Rire ri lik xuyak uqꞌij ri Jesús ri Raj Chak Rire. Noꞌj ralaq xya alaq ri Jesús puqꞌabꞌ ri Pilato. Y na xew ta laꞌ, ma xkꞌaq bꞌi alaq uqꞌij chwach ri Pilato y na xya ta alaq luwar che rire kuyolopij bꞌi ri Jesús echiriꞌ xraj kuyolopij bꞌi ruma na jinta mak xuriq che. 14 Ekꞌu riꞌ ralaq na xꞌaj ta alaq kayolopix bꞌi waꞌ wa Jun lik nim uqꞌij Santo y Jusukꞌ; ma e xtzꞌonoj alaq kayolopix bꞌi ri jun kamisanel.* Lc. 23:17-20 15 Xkamisaj kꞌu alaq riꞌ ri aj yaꞌl kꞌaslemal, ri Jun xkꞌastajisax lo chikixoꞌl ri ekaminaq ruma ri Dios. Puwi kꞌu riꞌ wa kꞌastajibꞌal kojtzijon wi riꞌoj ma lik oj xojilow re.

16 »E ruma ri kubꞌulibꞌal kꞌuꞌxaj rukꞌ ri Jesús, xkowir ri raqan waꞌ waꞌchi kil alaq y etaꞌam ne alaq uwach. Yey ruma wa kubꞌulibꞌal kꞌuꞌxaj rukꞌ ri Jesús xkunutaj waꞌchi pa saqil wi jelaꞌ pachaꞌ katajin onoje alaq che rilik.

17 »Wetaꞌam kꞌut, alaq qatz-qachaqꞌ, ri xꞌan alaq e ruma na xmaj ta alaq usukꞌ, y jenelaꞌ riꞌ xkiꞌan raj wach re ri tinamit alaq. 18 Pero ruma ri xꞌan alaq che ri Jesús, ri Dios xuꞌana janipa rubꞌiꞌim lo ojertan kuma ri qꞌalajisanelabꞌ echiriꞌ xubꞌiꞌij Ruchaꞌoꞌn lo Rire kutij kꞌax.

19 »E uwariꞌche tzelej tzij alaq chwach ri Dios y yaꞌa kꞌu ibꞌ alaq puqꞌabꞌ chaꞌ kakuytaj ri mak alaq y chaꞌ ri Qajawal Dios kuya uxlanem y utzil chomal chupa ri animaꞌ alaq. 20 Jekꞌulaꞌ ri Dios kutaq na lo ukꞌ alaq ri Jesús, Ruchaꞌoꞌn lo Rire, ri bꞌiꞌtisim chi lo che alaq ojertan. 21 Tobꞌ kꞌu woꞌora lik chirajawaxik wi ri Jesús kꞌo chilaꞌ chikaj, kopon na ri qꞌij echiriꞌ ri Dios kuꞌan tanchi kꞌakꞌ che ronoje jelaꞌ pachaꞌ ri xubꞌiꞌij lo ojertan kuma ri qꞌalajisanelabꞌ ri xetaq lo ruma Rire.

22 »Ma ri Moisés xubꞌiꞌij chike ri qatiꞌ-qamam ojertan:

24 »Konoje kꞌu ri qꞌalajisanelabꞌ kipetebꞌem lo chwi ri Samuel, lik etzijoninaq lo chwi taq waꞌ wa qꞌij. 25 Alaq kꞌu ri kakꞌuluw re ri xubꞌiꞌtisij ri Dios kuma ri qꞌalajisanelabꞌ y ruma ri tzij xuꞌan kukꞌ ri qatiꞌ-qamam ojertan, echiriꞌ xubꞌiꞌij che ri Abraham:

26 »Ekꞌu ri Dios, echiriꞌ xukꞌastajisaj lo ri Raj Chak chikixoꞌl ri ekaminaq, xutaq lo nabꞌe ukꞌ ralaq re toꞌbꞌel e alaq chaꞌ jelaꞌ chijujunal alaq kajalkꞌatitaj ri bꞌinik silabꞌik alaq che ri na utz taj» xcha ri Pedro chike.