വടക്കന്‍യിസ്രായേലിനൊരു സന്ദേശം
47
1 യിരെമ്യാപ്രവാചകനു യഹോവയില്‍ നിന്നു ലഭിച്ച സന്ദേശം ഇതാകുന്നു. ഫെലിസ്ത്യരെപ്പറ്റിയുള്ള സന്ദേശമാണിത്. ഫറവോന്‍ ഗാസാനഗരത്തെ ആക്രമിക്കുന്ന തിനു മുന്പാണ് ഈ സന്ദേശം വന്നത്.
2 യഹോവ പറയുന്നു:
“ഇതാ, ശത്രുഭടന്മാര്‍ വടക്ക് ഒരുമിച്ചു കൂടുന്നു.
കൂലം കുത്തിപ്പായുന്ന നദിപോലെ അവര്‍ വരും.
പ്രളയംപോലെ അവര്‍ രാജ്യത്തെ മുഴുവന്‍ മൂടും.
പട്ടണങ്ങളെ യും അതില്‍ വസിക്കുന്നവരെയും അവര്‍ മൂടും.
ആ രാജ്യത്തു വസിക്കുന്നവരൊക്കെ
സഹാ യത്തിനായി നിലവിളിക്കും.
3 ഓടുന്ന കുതിരകളുടെ ശബ്ദവും രഥശബ്ദ ങ്ങളും
ഉരുളുന്ന ചക്രങ്ങളുടെ ശബ്ദവും അവര്‍ കേള്‍ക്കും.
കുഞ്ഞുങ്ങളെ സംരക്ഷിക്കാന്‍ മാതാ പിതാക്കള്‍ക്കാവില്ല.
അവര്‍ സഹായിക്കാന്‍ കഴിയാത്തത്ര ദുര്‍ബലരായിരിക്കും.
4 ഫെലിസ്ത്യരെ മുഴുവന്‍ നശിപ്പിക്കാനുള്ള സമയമായിരിക്കുന്നു.
ടൈറിനെയും സീദോ ന്‍െറ സഹായികളുടെ ശിഷ്ടഭാഗത്തെയും നശിപ്പിക്കേണ്ട സമയം വന്നിരിക്കുന്നു.
വൈ കാതെ തന്നെ യഹോവ ഫെലിസ്ത്യരെ വധി ക്കും.
ക്രീത്തുദ്വീപിലെ ശിഷ്ടജനതയെ അവന്‍ നശിപ്പിക്കും.
5 ഗസ്സയിലെ ജനം ദു:ഖിതരാവുകയും തല വടിക്കുകയും ചെയ്യും.
അസ്കലോന്‍ജനത നിശ്ശബ്ദരാക്കപ്പെടും.
താഴ്വരയിലെ ശിഷ്ട ജനമേ, നിങ്ങളെത്രകാലം സ്വയം മുറിപ്പെടു ത്തും?
6 യഹോവയുടെ വാളേ, നീ അടങ്ങിയിട്ടില്ല.
നീയെത്രകാലം തുടര്‍ന്നുപോരാടും?
നീ നിന്‍െറ ഉറയിലേക്കു മടങ്ങുക!
നില്‍ക്ക്! നിശ്ചലമാവുക!
7 പക്ഷേ യഹോവയുടെ വാളിന് എങ്ങനെ വിശ്രമിക്കാനാവും?
യഹോവ അതിനൊരു കല്പന നല്‍കി.
അസ്കലോന്‍നഗരത്തെയും സമുദ്രതീരത്തെയും
ആക്രമിക്കാന്‍ യഹോവ അതിനു കല്പന നല്‍കി.”